مونروویا (انٹرنیشنل ڈیسک)
مغربی افریقہ کے ملک لائبیریا میں دعائیہ تقریب میں بھگدڑ مچنے سے 29 افراد ہلاک اور درجنوں زخمی ہوئے ہیں. رپورٹ کے مطابق یہ واقعہ جمعرات کو علی الصبح پیش آیا۔ پولیس ترجمان موسز کارٹر نے کہا کہ یہ اموات کی ابتدائی اطلاعات ہیں اور اس میں مزید اضافے کا خدشہ ہے کیونکہ اکثر زخمیوں کی حالت نازک ہے جبکہ مرنے والوں میں بچے بھی شامل ہیں۔
واقعے کی تفصیلات ابھی تک منظر عام پر نہیں آ سکیں لیکن یہ بھگدڑ عیسائیوں کی دعائیہ تقریب کے دوران مچی جسے لائبیریا میں کروسیڈ(صلیبی جنگ) کہا جاتا ہے اور یہ ایک فٹبال کے میدان میں منعقد ہوتی ہے۔ اس طرح کی تقریبات میں لائبیریا میں عموماً ہزاروں افراد شرکت کرتے ہیں جہاں ملک کی 50 لاکھ سے زائد آبادی عیسائی ہے۔
یہ بھی پڑھیں
روس جنوبی افریقہ میں وائرولوجسٹ بھیجے گا
یورپی یونین نے روسی ایئرلائن کے لئے فضائی حدود استعمال پر پابندی لگا دی
سوشل میڈیا پر زیر گردش ویڈیوز اور تصاویر کے مطابق مقامی سطح پر مقبول پادری ابراہام کروما لوگوں کو دو روزہ دعائیہ تقریبات میں شرکت کی دعوت دے رہے تھے۔ مقامی میڈیا کی رپورٹس کے مطابق بھگدڑ اس وقت مچی جب ٹھگوں کے گروہ نے عبادت کرنے والوں پر چھروں اور تیز دھار آلوں سے حملہ کردیا۔ 26 سالہ عینی شاہد ایمینوئیل نے اے ایف پی کو بتایا کہ تقریب کے اختتام پر انہیں زوردار آوازیں سنائی دیں جس کے بعد انہوں نے کئی لوگوں کی لاشیں پڑی ہوئی دیکھیں۔