جو بائیڈن کے بیٹے کا جراثیمی تجربہ گاہوں سے کیا تعلق ہے، وضاحت کرنا ہوگی، روس
ماسکو(صداۓ روس)
روس کے ریاستی دوما کے اسپیکر ویاچسلاو ولوڈن نے کہا کہ امریکی صدر جو بائیڈن کو یوکرین میں حیاتیاتی لیبارٹریوں کے آپریشن میں اپنے بیٹے ہنٹر کی شمولیت کے حوالے سے وضاحت دینی ہوگی۔ سپیکر کا کہنا تھا کہ امریکی صدر جو بائیڈن خود یوکرین میں حیاتیاتی تجربہ گاہیں بنانے میں ملوث ہیں۔ ان کے بیٹے ہنٹر بائیڈن کی طرف سے چلایا جانے والا ایک سرمایہ کاری فنڈ تحقیق اور امریکا کے فوجی حیاتیاتی پروگرام کے نفاذ کے لیے فنڈ فراہم کرتا ہے۔ یہ واضح ہے کہ جو بائیڈن ایک والد اور سربراہ مملکت کی حیثیت سے اپنے بیٹے کی اس اس سرگرمی سے واقف تھے. ان کا خیال ہے کہ امریکی صدر اب عالمی برادری کو یوکرین میں فوجی آپریشن کے دوران دریافت ہونے والی حیاتیاتی لیبارٹریوں کی سرگرمیوں سے متعلق شواہد کی وضاحت کرنے کے پابند ہیں. ولوڈن کے مطابق امریکی کانگریس کو اپنی تحقیقات خود کرنی چاہیے.
انہوں نے زور دیا کہ اسی پروگرام میں شامل رنگ انقلابوں کے بدنام زمانہ ماسٹر مائنڈ جارج سوروس کا فنڈ تھا، جو ہمارے ملک میں حکومت کو تبدیل کرنے کا کھلے عام مطالبہ کرتا ہے۔ ولوڈن نے مزید کہا کہ اس مسئلے کا فوری طور پر امریکی ماہرین کے ذریعہ یوکرین میں حیاتیاتی لیبارٹریوں کے قیام کے حالات کے بارے میں خصوصی پارلیمانی انکوائری کے ذریعے جانچ پڑتال کی جائے گی. اس سے قبل ریاستی دوما اور فیڈریشن کونسل نے یوکرین میں حیاتیاتی لیبارٹریوں کی پارلیمانی تحقیقات شروع کرنے اور ایسی انکوائری کے لیے ایک مشترکہ پینل بنانے کی قرارداد منظور کی تھی۔ ولوڈن نے کہا تھا کہ امریکی انڈر سکریٹری آف اسٹیٹ وکٹوریہ نولینڈ کو پارلیمانی انکوائری کے دائرہ کار میں پوچھ گچھ کی جانے والی پہلی شخصیات میں سے ایک ہونا چاہیے۔