امریکا اس دنیا کا مالک نہیں، سابق روسی صدر
ماسکو(صداۓ روس)
روسی سلامتی کونسل کے نائب چیئرمین دمتری میدویدیف نے کہا ہے کہ “unipolar دنیا ختم ہو چکی ہے” یعنی دنیا میں ایک اکیلی طاقت کا وجود ختم ہوچکا اور یورپی یونین کی جانب سے روسی گیس کو ترک کرنے کے نتائج سے آگاہ کیا. Sputnik اور RT کے ساتھ انٹرویو میں سابق صدر نے یوکرائنی تنازعے پر مغرب کے ردعمل کا جائزہ لیا اور سابق سوویت ریاست میں روس کے فوجی حملے کے بارے میں کچھ تفصیلات فراہم کیں۔ انہوں نے صورتحال پر مختلف نقطہ نظر پر بھی تبادلہ خیال کیا، بشمول ان لوگوں کی رائے جنہوں نے روس چھوڑنے کا انتخاب کیا۔ انہوں نے وضاحت کی کہ امریکی اب سیارے زمین کے مالک نہیں ہیں. روسی عہددار کا کہنا تھا کہ مغرب روس مخالف ہتھکنڈوں سے لوگوں کو گمراہ نہیں کر سکتا. روس اپنے مفادات پر کبھی سمجھوتہ نہیں کرے گا.
دوسری جانب اطلاعات ہیں کہ یوکرین میں جاری روسی آپریشن کے خلاف برطانیہ نے روس کے مزید 59 افراد اور کمپنیوں پر پابندیاں لگادیں۔ برطانوی حکومت کے مطابق روس کے 33 افراد اور 26 کمپنیوں کے اثاثے منجمد کر دیے ہیں۔پابندیوں میں روس کی ریلوے اور دفاعی کمپنیاں شامل ہیں، نئی پابندیوں میں بیلاروس سے تعلق رکھنے والی چھ کمپنیاں بھی شامل ہیں۔ برطانوی وزیر خارجہ لز ٹرس کا کہنا ہے کہ یوکرین میں روس کی ناکامی یقینی بنانے کے لیے روسی معیشت پر دباؤ جاری رکھیں گے۔