روس کو کیف فتح کر کے اپنا خصوصی فوجی آپریشن مکمل کرنا چاہیے، سربراہ چیچنیا
ماسکو(صداۓ روس)
چیچنیا کے سربراہ رمضان قادروف کا خیال ہے کہ یوکرین میں خصوصی فوجی آپریشن کو روکا نہیں جانا چاہیے، انہوں نے مزید کہا کہ اسے مکمل کیا جانا چاہیے اور کیف لے جانا چاہیے۔ قادروف نے ایک بڑے پیمانے پر فوجی ریلی سے خطاب کرتے ہوئے کہا کہ میں کہتا ہوں کہ ہم نے جو فوجی آپریشن شروع کیا ہے اسے مکمل کرنا چاہیے، اوررکنا نہیں چاہیے۔ انہوں نے کہا کہ ہمیں اب کیف میں داخل ہونا چاہیے، اور کیف فتح کرنا چاہیے۔ رمضان کے مطابق اگر ہمیں کیف کے قریب روکا جاتا ہے تو مجھے یقین ہے کہ یہ مزاحمت ہمیں نہیں روک سکے گی، اور ہم کیف میں داخل ہوجائیں گے. چیچن سربراہ نے کہا کہ ہم ان نازیوں اور ظالموں کو ختم کرنے کے لیے زیادہ پابند ہیں۔ میں آج آپ کو یہاں جمع کر کے اپنے تمام دشمنوں کو ایک بار پھر بتا رہا ہوں: ہم تعداد میں کم نہیں ہو رہے، ہم بڑھ رہے ہیں۔ اور ہمارے حامی زیادہ سے زیادہ ہوتے جا رہے ہیں!
دوسری جانب روسی وزیردفاع سرگئی شوئیگو کا کہنا ہے کہ یوکرین میں پہلے مرحلے کے اہم مقاصد پورے ہوگئے ہیں، یوکرین میں فوجی آپریشن کا اب اہم مقصد دونباس کی آزادی ہے۔ روسی حکام سے خطاب میں سرگئی شوئیگو کا کہنا تھا کہ یوکرین کی فوجی صلاحیت میں شدید کمی آئی ہے، یوکرین کے پاس اب فضائی فورس نہیں ہے۔ انھوں نے کہا کہ اگر نیٹو نے یوکرین کو طیارے اور فضائی دفاع سامان فراہم کیا تو روس اس کا مناسب جواب دے گا۔ روسی وزیر دفاع نے دعویٰ کیا کہ گذشتہ دو ہفتوں میں یوکرین میں چھ سو کرائے کے غیر ملکی فوجی مارے گئے ہیں۔