یوکرین کے لیے مزید جرمن فوج کے ہتھیار نہیں بھیجیں گے، برلن
برلن (انٹرنیشنل ڈیسک)
جرمنی کی وزیر دفاع کرسٹین لیمبریچٹ نے کہا ہے کہ جرمن فوج اب یوکرین کو اس کے ذخیرے سے ہتھیار فراہم نہیں کر سکتی۔ ہفتے کے روز شائع ہونے والے ڈائی آگسبرگر آلگیمین زیتونگ کے ساتھ ایک انٹرویو میں، لیمبریچٹ نے کہا کہ جب کہ “ہم سب کی ذمہ داری ہے کہ وہ یوکرین کو لڑنے میں مدد کریں، جرمن فوج کے ذخیروں سے ہتھیاروں کی سپلائی کے معاملے میں جرمنی آخری حد تک پہنچ گیا ہے۔ جرمن عہدیدار نے وضاحت کی کہ جرمن فوج کو ملک کے اپنے دفاع کو یقینی بنانے کے قابل ہونا پڑے گا، اس لئے ہم یوکرین کو مزید جرمن ہتیار نہیں فراہم کر سکتے.
انہوں نے کہا کہ لیکن اس کا مطلب یہ نہیں ہے کہ ہم یوکرین کے لیے مزید کچھ نہیں کر سکتے، لیمبریچٹ نے زور دیتے ہوئے کہا کہ کیف جرمن مینوفیکچررز سے براہ راست اپنی ضرورت کا سامان خرید سکتا ہے۔ وزیر نے نشاندہی کی کہ جرمن حکومت اس طرح کی خریداریوں کو آسان بنانے کے لیے کیف میں حکام کے ساتھ “مسلسل ہم آہنگی” کر رہی ہے۔ جب یہ پوچھا گیا کہ یوکرین کو کس قسم کے ہتھیاروں کی ترسیل پر غور کیا جا رہا ہے، تو لیمبریچٹ نے تفصیل میں جانے سے انکار کرتے ہوئے مزید کہا کہ ہم نے اس معلومات کو خفیہ رکھا گیا ہے. ان کا کہنا تھا کہ ہمیں یوکرینی فریق نے اس بات کا پابند کیا ہوا ہے کہ ہم جرمنی سے یوکرین جانے والے ہتھاروں کی تفصیلات منظر عام پر نہ لائیں. جرمن عہدیدار نے کہا کہ ایک بات کو ہمیشہ ذہن میں رکھنا چاہیے کہ اگر ہتھیاروں کی ڈیلیوری تفصیل کے ساتھ شائع ہوتی ہے تو یہ روس کے پاس بھی معلومات جا سکتی ہیں.