دونباس پر مکمل کنٹرول اور یوکرین کے جنوب پر توجہ دیں گے، روسی جنرل
ماسکو(صداۓ روس)
روسی خبر رساں ایجنسیوں کے حوالے سے رپورٹ کیا گیا ہے کہ روسی فوج کے میجر جنرل رستم منیکائیف کے مطابق روس کی فوج اب دونباس اور جنوبی یوکرین کا مکمل کنٹرول حاصل کرنے پر توجہ مرکوز کرنے کی منصوبہ بندی کر رہی ہے۔ جنرل کا حوالہ دیتے ہوئے کہا گیا کہ ان علاقوں کا کنٹرول ‘خصوصی آپریشن کے دوسرے مرحلے کے آغاز سے’ دیگر مقاصد میں سے ایک رہا ہے، اور اس میں کامیابی ‘کریمیا کو ایک زمینی راہداری فراہم کرے گی۔ یہ بیان اس دن بعد آیا ہے جب روس نے اعلان کیا تھا کہ اس نے یوکرین کے بندرگاہی شہر ماریوپول کو اپنی تحویل میں لے لیا ہے، اس کے علاوہ ازوف سٹیل پلانٹ ابھی تک بند ہے اور وہاں یوکرینی فوجی اور کرائے کے فوجی محصور ہیں۔
جنرل رستم منیکائیف کا یہ بیان روس کے اس آپریشن کے دوسرے مرحلے کے اہداف کے بارے میں ابھی تک سب سے زیادہ تفصیلی بیان تھا، جو روسی فوج کے یوکرین کے دارالحکومت کیف سے واپسی کے بعد آیا ہے. یاد رہے کہ ماسکو نے یوکرین کے دونباس میں علیحدگی پسند دونیسک اور لوہانسک عوامی جمہوریہ کی آزادی کو 24 فروری کو وہاں روسی بولنے والی آبادی کے تحفظ کے بیان کردہ مقصد کے ساتھ فوجی مہم شروع کرنے سے کچھ دیر پہلے تسلیم کر لیا تھا۔