امریکہ روس سے متفق ہے کہ ایٹمی جنگ نہیں جیتی جا سکتی، وائٹ ہاؤس
واشنگٹن (انٹرنیشنل ڈیسک)
وائٹ ہاؤس کی پریس سیکرٹری جین ساکی نے ایک باقاعدہ بریفنگ میں بتایا کہ امریکہ روس سے متفق ہے کہ جوہری جنگ میں کوئی فاتح نہیں ہو سکتا۔ انہوں نے کہا کہ میں یہ کہوں گی کہ خود روسیوں نے وقت کے ساتھ ساتھ، حال ہی میں پچھلے سال کی طرح، واضح کر دیا ہے کہ کوئی جوہری جنگ نہیں جیتی جا سکتی، ہم ان کی اس بات سے متفق ہیں۔ ساکی نے مزید کہا کہ امریکی صدر جو بائیڈن یوکرین میں امریکی فوج بھیجنے کے لیے تیار نہیں ہیں۔ ترجمان وائٹ ہاؤس کے مطابق امریکی صدر کا موقف یہ ہے کہ ہم اس جنگ میں کودنے کے لیے امریکی فوجیوں کو زمین پر نہیں اتار رہے ہیں۔ انہوں نے کہا کہ ہم بارہا یہ بات دوہراتے رہے ہیں کہ امریکی فوج یوکرین میں نہیں جائے گی. انہوں نے اس بات کی بھی تردید کی کہ یوکرین کی صورتحال نیٹو اور روس کے درمیان بالواسطہ تنازعہ میں تبدیل ہو گئی ہے۔
انہوں نے وضاحت کرتے ہوئے کہا کہ یہ پراکسی وار نہیں ہے۔ یہ روس اور یوکرین کے درمیان جنگ ہے۔ نیٹو ملوث نہیں ہے۔ امریکہ یہ جنگ نہیں لڑ رہا ہے۔ اس لیے میں سمجھتی ہوں کہ ہم سب کے لیے یہ اہم اور ضروری ہے کہ اس محاذ پر کریملن کے بات چیت کے نکات کو نہ دہرائیں.