روس نے 963 امریکی اعلی عہدیداروں کے ملک داخلے پر پابندی عائد کردی
ماسکو(صداۓ روس)
روس کی وزارت خارجہ نے 963 امریکی شہریوں کی نیشنل اسٹاپ لسٹ جاری کی ہے جن کے روس آنے پر پابندی عائد ہے۔ وزارت کی ویب سائٹ پر پوسٹ کردہ بیان میں کہا گیا ہے کہ امریکہ کی طرف سے لگاتار لگائی جانے والی روس مخالف پابندیوں کے جوابی اقدامات کے تناظر میں اور ہماری نیشنل اسٹاپ لسٹ میں شامل افراد کے جواب میں روسی وزارت خارجہ امریکی شہریوں کی فہرست شائع کر رہی ہے جن پر روسی فیڈریشن میں داخل ہونے پر مستقل طور پر پابندی عائد ہے۔ اس دستاویز کے ساتھ 963 افراد کے ناموں کی فہرست کا لنک منسلک ہے۔ ان میں امریکی صدر جو بائیڈن، سیکرٹری آف سٹیٹ اینٹونی بلنکن، ایف بی آئی کے ڈائریکٹر کرسٹوفر رے اور دیگر امریکی حکام شامل ہیں، جن کے داخلے پر پابندی کا اعلان اس سے قبل روسی وزارت خارجہ نے کیا تھا۔ روسی وزارت خارجہ نے کہا ہم اس بات پر زور دیتے ہیں کہ واشنگٹن کے معاندانہ اقدامات کا جواب اسی طرح دیا جائے گا۔
روسی وزارت خارجہ نے اس بات پر زور دیا کہ روسی جوابی پابندیاں غیر ارادی ہیں اور ان کا مقصد “حکمران امریکی حکومت کو مجبور کرنا ہے، جو باقی دنیا پر ایک نوآبادیاتی ‘حکمرانی پر مبنی ورلڈ آرڈر’ کو مسلط کرنے کی کوشش کر رہی ہے، کیونکہ امریکا نئی جغرافیائی سیاسی حقیقتوں کو تسلیم کرتے ہوئے اپنے طرز عمل کو تبدیل کرے۔