یوکرین میں امریکی ہتھیار تباہ کئے اور آئندہ بھی کریں گے، روسی صدر
ماسکو(صداۓ روس)
روس کے صدر ولادیمیر پوتن نے کہا کہ یوکرین کو غیر ملکی ڈرونز کی فراہمی بے معنی ہے کیونکہ روسی فضائی دفاعی نظام بغیر پائلٹ کے فضائی گاڑیوں پر حملہ کر رہا ہے۔ روس کے صدر ولادیمیر پوتن کا کہنا ہے کہ روس یوکرین میں درجنوں امریکی ہتھیار تباہ کر چکا ہے۔ روس کے صدر ولادیمیر پوتین کا روسی خبر ایجنسی کو انٹرویو میں امریکہ کی جانب سے یوکرین کو مزید ہتھیاروں کی فراہمی پر تبصرہ کرتے ہوئے کہنا تھا کہ روس یوکرین میں ان ہتھیاروں کا آسانی سے مقابلہ کر رہا ہے اور روس پہلے ہی امریکہ کے فراہم کردہ درجنوں ہتھیار تباہ کر چکا ہے۔ خیال رہے کہ امریکی صدر جو بائیڈن نے کچھ روز قبل یوکرین کو جدید میزائل سسٹم بھیجنے کا اعلان کیا تھا۔
پروگرام ماسکو کے لئے رپورٹر پاول زروبن کے ساتھ اپنے انٹرویو میں روسی سربراہ مملکت نے کیف کو غیر ملکی اسلحے کی ترسیل، خاص طور پر بغیر پائلٹ کے فضائی گاڑیوں کے بارے میں انتباہ جاری کرتے ہوئے کہا کہ روس ان تمام اہداف کو نشانہ بنائے گا. روسی صدر نے کہا کہ یہ سب جانتے ہیں کہ یوکرین کو جو ہتھیار فراہم کئے جا رہے ہیں ان کی کئی اقسام ہیں۔ صدر پوتن کے مطابق روس کے پاس فضائی دفاعی نظام موجود ہے جو کسی بھی حملے کو ناکام بنا دے گا. پوتن نے زور دیا ہمارے پاس ایسے نظام موجود ہیں جو کسی بھی حملے کو ناکام بنا سکتے ہیں، جن میں بک، ٹور اور پینٹسر ایئر ڈیفنس سسٹم شامل ہیں جو انتہائی موثر ہیں۔