دونباس میں امریکہ، کینیڈا، اور سویڈن کے کرائے کے فوجی ہلاک، امریکی اخبار
ماسکو(صداۓ روس)
پولیٹیکو اخبار نے رپورٹ کیا کہ دو امریکی ایک کینیڈین اور ایک سویڈش شہری جو کیف کے کنارے دونباس میں لڑے تھے، اس ہفتے مارے گئے ہیں۔ امریکی اخبار نے غیر ملکی جنگجوؤں کے کمانڈر Ruslan Miroshnichenko کا حوالہ دیا جس نے ہفتے کے روز کہا کہ “ہلاک ہونے والے امریکی کرائے کے فوجیوں میں لیوک اسکائی واکر” لوسیزین اور برائن ینگ تھے۔ انہوں نے کہا کہ وہ 18 جولائی کو کینیڈا کے ایمائل-اینٹوئن رائے-سیروئس اور سویڈن کے ایڈورڈ سیلنڈر پیٹرگنانی کے ساتھ مارے گئے تھے۔ میروشنیچینکو نے کہا کہ یہ لوگ یوکرین کی مسلح افواج کے علاقائی دفاع کے اندر ایک خصوصی آپریشن فورس کا حصہ تھے۔ ان کا یونٹ مشرقی دونیسک اوبلاست کے ایک قصبے سیورسک کے قریب واقع ہے۔
امریکی محکمہ خارجہ کے ترجمان نے صحافیوں کو تصدیق کی کہ دونباس میں حال ہی میں دو امریکیوں کی موت ہوئی تھی۔ تاہم امریکی محکمہ خارجہ نے ان کے نام جاری نہیں کئے۔ امریکی حکام نے بارہا امریکیوں پر زور دیا ہے کہ وہ یوکرین میں جا کر لڑنے سے گریز کریں. دوسری جانب اطلاعات ہیں کہ مقامی ذرائع نے کہا ہے کہ گزشتہ روز یوکرین کے دو شہروں میکولایف اور خارکیف میں شدید دھماکوں کی گونج سنائی دی۔ میکولایف کے میئر نے شہر پر ان جدید حملوں کا ذکر کرتے ہوئے اعلان کیا کہ شہر کے بیچوں بیچ کئی شدید دھماکے ہوئے ہیں، البتہ انہوں نے ان دھماکوں کے نتیجے میں ہونے والی جانی اور مالی نقصانات کا ذکر نہیں کیا.