حکمران اتحاد کا عدالتی کارروائی کے بائیکاٹ کا اعلان

حکومتی اتحاد نے وزیراعلیٰ پنجاب کے انتخاب کے کیس کی عدالتی کارروائی کے بائیکاٹ کا اعلان کردیا۔

وزیراعظم ہاؤس میں حکمران اتحاد کے قائدین کا اجلاس ہوا جس میں حکمران اتحاد کے قائدین نے فل کورٹ کے مطالبے سے پیچھے نہ ہٹنے پر اتفاق کیا گیا۔

ذرائع کے مطابق وزیراعظم شہبازشریف، مریم نواز، سربراہ پی ڈی ایم مولانا فضل الرحمان، بلاول بھٹو زرداری کے علاوہ اجلاس میں ایم کیوایم، مسلم لیگ (ق)، اے این پی، بلوچستان عوامی پارٹی، بی این پی سمیت دیگر اتحادی جماعتوں کے قائدین نے شرکت کی۔

ذرائع کا کہنا ہے کہ اجلاس میں تمام قائدین نے متفقہ حکمت عملی کے ساتھ وزیر اعلی کے معاملے پر فل کورٹ نہ بنانے پر عدالتی کارروائی کے بائیکاٹ کرتے ہوئے مل کر آگے بڑھنے پر اتفاق کیا ہے۔