, Alexander Bortnikov, told Russian television when asked about a New York Times report){kind=link}
سی آئی اے کے یوکرین میں متعدد ٹھکانے ہیں، روسی انٹلیجنس چیف
ماسکو (صداۓ روس)
روسی فیڈرل سیکیورٹی سروس (ایف ایس بی) کے سربراہ الیگزینڈر بورٹنیکوف نے روسی ٹیلی ویژن کو جاسوسی نیٹ ورک کے بارے میں نیویارک ٹائمز کی رپورٹ کے بارے میں پوچھے جانے والے سوال پر بتایا کہ سی آئی اے کے یوکرین میں بہت سے اڈے ہیں۔ اخبار نے امریکی جاسوسی ایجنسی اور یوکرین کی جاسوسی ایجنسی کے درمیان تعاون کے ایک دہائی پرانے ریکارڈ بارے بتایا. گزشتہ اتوار کو شائع ہونے والے مضمون کے مطابق سی آئی اے کے یوکرین کی سرزمین پر ١٢ خفیہ اڈے ہیں جو روس کے خلاف سرگرم عمل ہیں۔ اخبار نے لکھا ہے کہ گزشتہ آٹھ سالوں میں، سی آئی اے نے کیف کے انٹیلی جنس افسران کو زیر زمین بنکروں میں تربیت دی اور جدید ہتھیاروں سے لیس کیا ہے، جن میں سے کچھ اڈے یوکرین کے گہرے جنگلات سے گھرے ہوئے ہیں۔ بورٹنیکوف نے چینل ١ کو بتایا کہ امریکی انٹیلی جنس کے لوگ وہاں کافی عرصہ پہلے داخل ہوئے تھے اور یوکرین کی ایجنسی کے ساتھ مل کر روس کے خلاف سرگرم تھے.
ان سے جب یہ پوچھا گیا کہ کیا روس سی آئی اے کی سائٹس تک پہنچ سکتا ہے؟ تو انہوں نے کہا کہ اس حوالے سے ہمارا کام جاری ہے. قبل ازیں کریملن کے ترجمان دیمتری پیسکوف نے مشورہ دیا تھا کہ یوکرین میں امریکیوں کے پاس ١٢ اڈوں سے کہیں زیادہ چوکیاں ہیں۔ ماسکو میں حکام نے کہا ہے کہ روس اپنے دشمن پڑوسی کی سرحدوں کے اندر خفیہ مغربی سرگرمیوں سے غافل نہیں تھا۔