روس نے ایرانی صدر کے ہیلی کاپٹر کی تلاش کی پیشکش کردی
ماسکو (صداۓ روس)
تہران میں روس کے ناظم الامور نے کہا کہ ماسکو صدر ابراہیم رئیسی کے ہیلی کاپٹر کی تلاش کے لیے ان کے ایرانی ساتھیوں کی مدد کے لیے امدادی دستے بھیجنے کے لیے تیار ہے جو شمال مغربی ایران کے ایک پہاڑی علاقے میں گر کر تباہ ہو گیا تھا۔ نامعلوم روسی سفارت کار نے تسنیم خبر رساں ادارے کو بتایا کہ “ہم امدادی کارکنوں کو فوری طور پر ایران بھیجنے کے لیے تیار ہیں۔ ہم نے اپنی تیاری کا اعلان کر دیا ہے اور ایرانی فریق کے فیصلے کا انتظار کر رہے ہیں”۔
واضح رہے اب سے کچھ دیر پہلے یرانی صدر ابراہیم رئیسی کو لے جانے والے ہیلی کاپٹر نے ہنگامی لینڈنگ کی تھی۔ واقعے کو 6 گھنٹوں سے زائد کا وقت گزر چکا، ایرانی صدر کے ہیلی کاپٹر کے ملنے کے بارے میں متضاد اطلاعات ہیں۔ ایرانی میڈیا کا کہنا ہے کہ ہیلی کاپٹر تلاش کرلیا گیا جبکہ ہلال احمر نے ہیلی کاپٹر ملنے کی ایرانی سرکاری میڈیا رپورٹ کی تردید کردی۔ غیر ملکی خبر رساں ایجنسی کا کہنا ہے کہ ہیلی کاپٹر حادثے کے بعد ایرانی صدر و وزیر خارجہ کی جان خطرے میں ہے۔