محمد مخبر کو عبوری ایرانی صدر بنانے کی منظوری، پانچ روزہ سوگ کا اعلان
ماسکو (انٹرنیشنل ڈیسک)
ایرانی سپریم لیڈر کی محمد مخبر کو عبوری صدر بنانے کی منظوری دے دی، جس کے بعد ملک میں پانچ روزہ سوگ کا اعلان بھی کردیا گیا. ایران کے رہبر اعلیٰ علی خامنہ ای نے ہیلی کاپٹر کے حادثے میں صدر ابراہیم رئیسی کی ہلاکت کے بعد ایران کے اول نائب صدر محمد مخبر کو عبوری صدر مقرر کرنے کی منظوری دے دی ہے۔ محمد مخبر صدارت کی ذمے داریاں ادا کرنے کے ساتھ ساتھ آئندہ 50 روز میں نئے صدر کا انتخاب بھی منعقد کرائیں گے۔ علی خامنہ ای نے صدر کی ہلاکت پر پانچ روزہ قومی سوگ منانے کا اعلان بھی کیا ہے۔
اتوار کو ہیلی کاپٹر کے حادثے میں صدر ابراہیم رئیسی کی موت کے بعد ایران کے پہلے نائب صدر محمد مختار صدارت کا عہدہ سنبھالنے والے ہیں۔ ایرانی آئین کے مطابق صدر کی موت یا نااہلی کی صورت میں پہلا نائب صدر عہدہ سنبھالتا ہے۔ مخبر کی تقرری کے لیے سپریم لیڈر آیت اللہ علی خامنہ ای کی منظوری درکار ہوتی ہے، جن کے پاس تمام ریاستی امور میں حتمی فیصلہ ہوتا ہے۔ واضح رہے مستقل جانشین کے انتخاب کے لیے صدارتی انتخابات 50 دنوں کے اندر ہوں گے، جیسا کہ آئین میں کہا گیا ہے۔
ایران کے نئے صدر 68 سالہ مخبر نے 2007 سے امام خمینی کے حکم پر عمل درآمد کی سربراہی سمیت مختلف سرکاری عہدوں پر کام کیا ہے۔ 2021 میں جب رئیسی نے عہدہ سنبھالا تو انہیں نائب صدر مقرر کیا گیا۔ صدارتی انتخابات ہر چار سال بعد ہوں گے، اور صدر کئی نائب صدور کی مدد سے کابینہ کی تقرری اور ہدایت کا ذمہ دار ہے۔ ایران میں وزیراعظم کا عہدہ موجود نہیں ہے۔