روس میں حملوں کیلئے نیٹو کے ہتھیار استعمال کرنے کی اجازت نہیں دیں گے، اسپین
ماسکو (انٹرنیشنل ڈیسک)
ہسپانوی وزیراعظم پیڈرو سانچیز یوکرین کو روسی سرزمین پر اہداف کو نشانہ بنانے کے لیے نیٹو ہتھیاروں کے استعمال کی اجازت دینے کے خیال کی حمایت نہیں کرتے۔ یوکرین کے دورے پر آئے ہوئے صدر ولادیمیر زیلنسکی کے ساتھ بات چیت کے بعد ایک نیوز کانفرنس میں ہسپانوی وزیر اعظم سے پوچھا گیا کہ کیا میڈرڈ یوکرین کے روسی علاقے پر حملہ کرنے کے لیے مغربی ہتھیاروں کے استعمال کے خیال کی حمایت کرے گا۔ سانچیز نے کہا ہماری نہ تو ایسی مرضی ہے اور نہ ہی ایسا ارادہ ہے اور مجھے یقینی طور پر اس بارے میں کوئی اطلاع نہیں ہے۔
وہ مغربی ممالک جو یوکرین کو ہتھیار فراہم کر رہے ہیں، ان ہتھیاروں کے استعمال کے بارے میں مختلف آراء ہیں۔ اس طرح پینٹاگون کے ترجمان پیٹرک رائڈر کے مطابق امریکہ یوکرین کے باہر امریکی ساختہ ہتھیاروں کے استعمال کے خلاف ہے۔ جرمن چانسلر اولاف شولز نے بارہا اس بات پر زور دیا ہے کہ وہ کیف کو طویل فاصلے تک مار کرنے والے ٹورس کروز میزائلوں کی فراہمی پر اعتراض کرتے ہیں کیونکہ اس کا مطلب جرمن فوجیوں کو اس ملک میں بھیجنا ہو گا تاکہ ان کے استعمال کو کنٹرول کیا جا سکے۔ ان کے الفاظ میں یہ ایک سرخ لکیر ہے جسے وہ عبور کرنے سے گریزاں ہے۔