روس پر حملے کے احکامات جو یورپی ملک دے گا اسے نشانہ بنائیں گے، روس
ماسکو (صداۓ روس)
روس کی سلامتی کونسل کے نائب چیئرمین دیمتری میدویدیف نے کہا کہ نیٹو ممالک جنہوں نے روسی سرزمین پر اپنے ہتھیاروں سے حملوں کی منظوری دی ہے، انہیں آگاہ ہونا چاہیے کہ ان کی تنصیبات اور فوجی ماہرین کو نہ صرف یوکرین میں بلکہ کسی بھی مقام پر جہاں سے روسی سرزمین پر حملہ کیا جائے گا، تباہ کر دیا جائے گا۔ ان کے ٹیلیگرام چینل نے بتایا کہ نیٹو کے ماہرین کی شرکت کو روس کے خلاف براہ راست تصادم کے طور پر دیکھا جا سکتا ہے۔
سابق روسی صدر نے خبردار کیا کہ ان ممالک کے تمام فوجی سازوسامان اور ہمارے خلاف لڑنے والے ماہرین کو یوکرین کی سرزمین اور دوسرے ممالک کی سرزمین دونوں پر تباہ کر دیا جائے گا. میدویدیف نے خبردار کیا اگر وہاں سے روسی سرزمین پر حملے کیے جائیں گے تو ہمارا ردعمل ناقابل یقین ہوگا.
انہوں نے مزید کہا کہ ماسکو اس حقیقت سے آگے بڑھا کہ یوکرین کو فراہم کیے جانے والے تمام طویل فاصلے تک مار کرنے والے ہتھیار پہلے ہی “نیٹو ممالک کے فوجیوں کے ذریعے براہ راست چلائے جا رہے تھے، جو کہ روس کے خلاف جنگ میں شرکت کے مترادف ہے اور جنگی کارروائیاں شروع کرنے کی ایک وجہ ہے۔