یوکرین آئندہ 50 سالوں میں دنیا میں موجود نہیں ہوگا، معروف امریکی صحافی دعوی
ماسکو (انٹرنیشنل ڈیسک)
امریکی صحافی ٹکر کارلسن نے سابق صدر ڈونلڈ ٹرمپ کے بیٹے ڈونلڈ جونیئر کے ساتھ ایک انٹرویو میں پیش گوئی کی ہے کہ امریکہ نے یوکرین کو “دھوکہ” دیا ہے اور وہ اس کی زمین بیچ کر اور اسے تیسری دنیا کے تارکین وطن سے بھر کر ملک کو تباہ کر دے گا۔ شائع ہونے والے ایک ویڈیو انٹرویو میں، کارلسن اور ٹرمپ جونیئر دونوں نے اتفاق کیا کہ امریکی صدر جو بائیڈن نے دنیا کو تیسری جنگ عظیم کے دہانے پر پہنچا دیا ہے، اور یہ کہ امریکہ بنیادی طور پر روس کے ساتھ حالت جنگ میں ہے۔
ٹرمپ جونیئر نے کہا کہ کسی نے یہ نہیں بتایا کہ یوکرین میں فتح کیسی ہوگی؟ اور میں نہیں جانتا کہ اس کا کیا مطلب ہے۔ کیا یہ جنگ یوکرینیوں اور روسیوں کی مکمل موت کیلئے جاری ہے؟ تاکہ وہاں سب کا صفایا کر دیا جائے اور بلیکروک وہاں آکر تمام کھیتوں پر قبضہ کر لے؟ اور مجھے لگتا ہے.
بلیکروک دنیا کی سب سے بڑی سرمایہ کاری کمپنی ہے، اور اندازے کے مطابق دس ٹریلین ڈالر کے اثاثوں کو کنٹرول کرتی ہے۔ یہ فرم یوکرین کے سب سے بڑے غیر ملکی بانڈ ہولڈرز میں سے ایک ہے، اور اس نے 2022 میں کیف کے ساتھ مفاہمت کی ایک یادداشت پر دستخط کیے تھے جس میں کہا گیا تھا کہ وہ یوکرین کی تنازعات کے بعد کی تعمیر نو کا انتظام کرے گی۔ کارلسن نے کہا کہ یوکرینی حکام پہلے ہی یوکرین میں زمینیں غیر ملکی سرمایہ کاروں کو فروخت کر رہے ہیں، اور امریکا یوکرین کو تیسری دنیا کے تارکین وطن سے بھر دے گا اور یوکرین 50 سالوں میں موجود نہیں رہے گا. کارلسن نے کہا کہ پھر یہاں کوئی یوکرینی قوم نہیں ہوگی، ہم نے یوکرینیوں کو دھوکہ دیا جیسا کہ کسی اور ملک نے پہلے کبھی نہیں دیا.