اسکول کے بچے قطب شمالی تک روسی جوہری آئس بریکر میں سفر کریں گے
ماسکو (صداۓ روس)
روس اور بیرون ملک سے درجنوں اسکول کے بچے اگست میں قطب شمالی کا سفر کریں گے جو کہ ایک بین الاقوامی سائنس پروجیکٹ کے حصے کے طور پر ملک کے نیوکلیئر آئس بریکرز میں سے ایک ہے۔”علم کا آئس بریکر” پروجیکٹ، جس کا مقصد دنیا بھر کے ہونہار بچوں کی مدد کرنا ہے، ہندوستان، چین، جنوبی افریقہ، ہنگری، آرمینیا، ازبکستان اور روس سمیت ممالک سے 14 سے 16 سال کے درمیان کے 70 اسکولی بچوں کو اس یادگار سفر میں لے کر جائے گا۔
تاتیانا ترنتےوا جوہری توانائی کے بڑے ادارے روسٹوم کی جیوری کی سربراہ اور ایک ایگزیکٹو جو جوہری طاقت سے چلنے والے آئس بریکر کو چلاتی ہیں نے کہا کہ روس کے علاوہ دنیا کا کوئی ملک قطب شمالی میں بچوں کو نہیں بھیجتا۔ ان کا کہنا تھا کھ اس سفر کیلئے ہم نے قدرتی سائنس کے مضامین جیسے کیمسٹری، فزکس، ریاضی اور حیاتیات میں دلچسپی رکھنے والے مضبوط ترین بچوں کا انتخاب کیا۔ جب کہ پچھلے پانچ سالوں میں روس کے اندرونی علاقوں پر ہی توجہ مرکوز کی گئی تھی، اس سال اس منصوبے نے بین الاقوامی جہت اختیار کر لی ہے۔ اس سال کے شروع میں روس میں منعقد ہونے والے ورلڈ یوتھ فیسٹیول کے ذریعے غیر ملکی شرکاء کا انتخاب کیا گیا تھا۔
طالب علموں کے ساتھ ان کے سفر میں معروف سائنس دان، جوہری صنعت کے ماہرین اور آرکٹک کے محققین بھی ہوں گے۔ یہ جہاز آرکٹک بندرگاہ مرمانسک سے 2400 کلومیٹر کے سفر پر کرہ ارض کی چوٹی کی طرف روانہ ہوگا۔
واضح رہے روسٹوم کا “٥٠ لیٹ پوبدے” دنیا کے سب سے بڑے جوہری آئس بریکرز میں سے ایک ہے اور اسے تجارتی سیاحت کے لیے بھی استعمال کیا جاتا ہے۔ قطب شمالی اور واپس جانے میں عام طور پر 13 دن لگتے ہیں اور اس کی قیمت کم از کم 2.5 ملین روبل ($28,000) ہے۔