روس بچوں کی مدد کے لیے افریقہ میں انسانی ہمدردی کے مشن کو وسعت دے گا
ماسکو (صداۓ روس)
روسی صدارتی کمشنر برائے بچوں کے حقوق ماریا لووا بیلووا نے کہا کہ روس افریقی ممالک میں اپنے انسانی مشن کو وسعت دے گا تاکہ وہاں رہنے والے بچوں کی مدد کی جا سکے۔انسانی حقوق کمشنر نے روسی وزیر خارجہ سرگئی لاوروف کے ساتھ ملاقات کے بعد اپنے ٹیلیگرام چینل پر لکھا کہ ہم افریقی ممالک میں اپنے انسانی مشن کو وسعت دینے جا رہے ہیں۔ اس سال ہم نے برونڈی، کینیا، تنزانیہ، یوگنڈا، وسطی افریقی جمہوریہ، جمہوری جمہوریہ کانگو میں منصوبے بنائے ہیں، جن میں ماؤنٹ ایلگن پر لڑکیوں کے لیے پناہ گاہ، ایک اسکول، اور ایک کنڈرگارٹن بھی شامل ہے۔
اس کے علاوہ حکام نے آرمینیا منتقل ہونے والے کاراباخ خاندانوں کے لیے امداد پر تبادلہ خیال کیا۔ انہوں نے مزید کہا ہم 90 بچوں کے لیے تفریح اور بحالی کا انتظام کرنے کا ارادہ رکھتے ہیں۔ لیووا-بیلووا نے کہا کہ میں روسی وزیر خارجہ سرگئی لاوروف اور روسی وزارت خارجہ کی پوری ٹیم کا بچوں کے مسئلے اور شراکت داری پر توجہ دینے پر شکریہ ادا کرنا چاہوں گی.