روسی صدر اور ہنگری کے وزیراعظم کا یوکرینی تنازعہ کے حل پر تبادلہ خیال
ماسکو (صداۓ روس)
روسی صدر ولادیمیر پوتن نے ہنگری کے وزیراعظم وکٹر اوربان کی میزبانی کی، جنہوں نے اپنے اچانک ماسکو کے دورے سے مغربی ممالک کو حیران کردیا۔ اوربان نے صدر پوتن کے ساتھ مذاکرات کے بعد مشترکہ پریس کانفرنس کے دوران انکشاف کیا کہ ہماری ملاقات یوکرائنی تنازعہ جیسے مسائل سے منسلک ہے، جس میں ہم دونوں نے اس سے نکلنے کے “مختصر ترین راستے” پر تبادلہ خیال کیا.
ہنگری کے وزیراعظم نے یوکرین کی قیادت سے ملاقات کے لیے کیف کے اپنے حالیہ سفر کا حوالہ دیتے ہوئے اعتراف کیا کہ ماسکو اور کیف کے درمیان بہت زیادہ اختلاف ہے. اوربان نے کہا کہ اس جنگ کے حل کی طرف بڑھنے کیلئے بہت سے اقدامات کرنے ہوں گے، پھر بھی ہم نے پہلے ہی سب سے اہم قدم اٹھایا ہے، جس میں رابطہ قائم کرنا، اور میں مستقبل میں اس پر کام جاری رکھنا ہوگا.
اوربان نے مزید کہا کہ روس اور یوکرین کے درمیان تنازعات کی شدت یورپی خطے کو متاثر کر رہی ہے، انہوں نے مزید کہا کہ یورپی براعظم نے صرف امن کے دور میں ہی سب سے تیز اور پائیدار ترقی کا لطف اٹھایا ہے۔
روسی صدر نے مذاکرات کے ذریعے لڑائی کو ختم کرنے کے لیے ماسکو کی تیاری کا اعادہ کیا ہے۔ صدر پوتن نے کہا تاہم یوکرائنی قیادت اب بھی آخر تک جنگ ختم کرنے کے فیصلے کو تسلیم کرنے سے قاصر ہے۔ روسی صدر نے خبردار کیا کہ ماسکو عارضی جنگ بندی یا کسی بھی طرح کے “منجمد تنازع” کا انتخاب کرنے کے بجائے دیرپا، پائیدار امن تک پہنچنے کی کوشش کر رہا ہے۔