چین کو روسی بجلی کی سپلائی ریکارڈ کم ہوگئی
ماسکو (صداۓ روس)
کاروباری روزنامہ کومرسنٹ نے چینی کسٹمز کے اعداد و شمار کا حوالہ دیتے ہوئے رپورٹ کیا کہ روس سے چین کو بجلی کی برآمدات اس سال کے پہلے چھ مہینوں میں ریکارڈ کم ترین سطح پر آگئی ہیں۔ رواں برس جنوری اور جون کے درمیان روس کی پاور ایکسپورٹ کرنے والی کمپنی انٹر راؤ نے چین کو تقریباً 465 ملین کلو واٹ بجلی فراہم کی، جو پچھلے سال کی اسی مدت کے مقابلے میں 76 فیصد کم ہے۔ اس اشاعت میں پانی کی کم دستیابی، پیداواری صلاحیت کی کمی اور مشرق بعید میں تھرمل پاور پلانٹس کی مرمت کو اس کمی کی وجوہات کے طور پر بتایا گیا۔ اگر یہ رجحان جاری رہا تو 2024 کے آخر تک برآمدات اپنی کم ترین سطح پر آ سکتی ہیں۔ کوممرسنت نے صنعت کے ماہرین کا حوالہ دیتے ہوئے رپورٹ کیا کہ چین کو بلی کی طلب پوری کرنے کے لیے نئے پاور پلانٹس کی تعمیر کی ضرورت ہوگی.
انٹر راؤ کی بجلی کی برآمدات میں اس وقت چین کا حصہ 13 فیصد ہے، جبکہ یوٹیلٹی کی طرف سے مجموعی طور پر برآمدات میں 31 فیصد کمی آئی ہے۔ اس کمی کی وجہ یورپی یونین کے ساتھ تجارت کی معطلی کو قرار دیا گیا ہے۔ بورڈ کی رکن الیگزینڈرا پنینا نے جنوری میں کہا کہ پچھلے سال کی پہلی ششماہی میں انٹر راؤ نے اب بھی یورپی یونین کے ممالک کو بجلی فراہم کی ہے۔ روسی کمپنی کے گاہکوں میں فن لینڈ، بالٹک ریاستیں اور پولینڈ شامل تھے۔