پیتونگاترن شیناوترا تھائی لینڈ کی کم عمر ترین وزیراعظم منتخب
ماسکو (انٹرنیشنل ڈیسک)
تھائی لینڈ ٹی وی کے مطابق ہاؤس آف ریپریزنٹیٹوز، یا تھائی لینڈ کی قومی اسمبلی پارلیمنٹ کے ایوان زیریں نے فیو تھائی پارٹی کی رہنما پیتونگٹرن شیناواترا کو ایشیائی ملک کا نیا وزیراعظم بنانے کی منظوری دے دی ہے۔ اطلاعات کے مطابق پھیو تھائی پارٹی کی جانب سے نامزدگی کے بعد شیناوترا کو ملک کی سب سے کم عمر وزیراعظم بننے کا اعزاز حاصل ہوا ہے۔ شیناوترا تھائی لینڈ کے سابق وزیراعظم سریتا تھاویزن کے بعد وزارت عظمیٰ کے منصب پر فائز ہوئی ہیں، سریتا کو چند روز قبل عدالت نے غلط تقرری پر عہدے سے برطرف کیا تھا۔
رپورٹس کے مطابق 37 سالہ شیناوترا اُنگ اِنگ کے نام سے مشہور ہیں، وہ بزنس ٹائیکون تھاکسن شیناوترا کی سب سے چھوٹی بیٹی ہیں جب کہ وہ اس منصب پر فائز ہونے والی خاندان کی تیسری شخصیت ہیں۔ شیناوترا کو وزیراعظم بننے کے لیے پارلیمنٹ کی 493 نشستوں میں سے 314 نشستیں درکار تھیں۔ رپورٹس کے مطابق سابق تھائی وزیراعظم سریتا تھاویزن اور فوج کے درمیان ایک طویل کشیدگی بھی رہی، انہوں نے ملک میں 2006 کی فوجی آمریت کے بعد کئی سال جلا وطنی کاٹی اور گزشتہ برس ہی ملک واپس لوٹے تھے۔