ناگورنو کاراباخ امن معاہدے پر دستخط کروانے پر خوشی ہوگی، پوتن
ماسکو (صداۓ روس)
روس کے صدر ولادیمیر پوتن نے پیر کو کہا کہ ماسکو خوش ہو گا اگر تو وہ ناگورنو کاراباخ پر امن معاہدے پر دستخط کرنے کے لیے کچھ کرسکتا ہے۔ صدر پوتن نے اپنے آذربائیجانی ہم منصب الہام علیئیف کے ساتھ ایک ملاقات میں کہا اگر ہم امن معاہدے پر دستخط کرنے، سرحد کی غیر عسکری اور حد بندی کرنے کے لیے آگے بڑھنے کے لیے کچھ کر سکتے ہیں تو ہمیں اس پر بہت خوشی ہوگی۔ صدر پوتن نے کہا یہ سب کو معلوم ہے کہ آذربائیجان نگورنو کاراباخ کی صورت حال کو حل کرنے کا ہدف رکھتا ہے. انہوں نے مزید کہا کہ وہ آرمینیائی وزیراعظم نکول پشینیان کو باکو میں ہونے والے مذاکرات کے نتائج کے بارے میں بتانے کا ارادہ رکھتے ہیں۔ صدرپوتن نے کہا کہ روس اور آذربائیجان کے پاس مشترکہ کام کے لیے بہت سے شعبے ہیں، جن میں صنعتی تعاون، ٹرانسپورٹ اور لاجسٹکس اور ہلکی صنعت کے مسائل شامل ہیں۔
روسی رہنما نے مزید کہا کہ علیئیف کے ماسکو کے دورے نے روس اور آذربائیجان کے درمیان تعلقات کو تقویت دی ہے. روسی نے کہا کہ اس وقت دونوں ممالک کے درمیان تجارتی اور اقتصادی تعلقات کامیابی سے بڑھ رہے ہیں۔ روسی صدر نے مزید کہا کہ انہوں نے اتوار کو جنوبی قفقاز کی صورتحال کو حل کرنے کے معاملے پر بات چیت کی اور پیر کو بھی اس پر بات چیت جاری رکھیں گے۔