روس کے سامنے ہتھیار کیوں ڈالے؟ یوکرینی فوجی نے بتادیا
ماسکو(صداۓ روس)
روسی وزارت دفاع کی جانب سے ہتھیار ڈالنے والے اور انٹرویو دینے والے یوکرین کے ایک فوجی کے مطابق کچھ یوکرائنی فوجیوں کو ان کے کمانڈرز کئی دنوں تک بغیر خوراک اور پانی کے چھوڑ رہے ہیں جبکہ موت کے خطرے سے ڈرا کر انہیں پیچھے ہٹنے سے منع کیا جا رہا ہے۔ اتوار کو روسی وزارت دفاع نے تین منٹ کا ایک کلپ جاری کیا جس میں روسی فوج کے سامنے ہتھیار ڈالنے والے یوکرین کے فوجی اور سابق پولیس افسر الیگزینڈر میکیوفسکی کو دکھایا گیا تھا، جس نے کہا کہ اس نے اپنی فوجوں کے خلاف فوجی قیادت کے ظالمانہ اور بے رحم رویے کی وجہ سے فرنٹ لائن پر مشکلات کا سامنا کرنے کے بعد رضاکارانہ طور پر روسی افواج کے سامنے ہتھیار ڈال دیے۔
میکیوفسکی نے کہا کہ اسے یوکرین کی اسالٹ بریگیڈ میں شامل ہونے سے انکار کرنے پر پولیس فورس سے برطرف کر دیا گیا تھا۔ تین ماہ بعد اس کے پاس پیسے ختم ہوگئے اور اسے ایک ڈرافٹ نوٹس موصول ہوا اور اس کے پاس فوج کے ساتھ معاہدہ کرنے کے علاوہ کوئی چارہ نہیں تھا۔ اس کا دعویٰ ہے کہ اسے بتایا گیا تھا کہ اسے دفاع کی دوسری لائن پر دونباس میں تعینات کیا جائے گا، جہاں اس کا روسی افواج کے ساتھ براہ راست سامنا نہیں ہوگا۔