منگولیا کے صدر کی روسی صدر ولادیمیر پوتن سے ملاقات
ماسکو (صداۓ روس)
روسی صدر ولادیمیر پوتن جو کہ سرکاری دورے پر منگولیا میں ہیں، سرکاری ملاقات کی تقریب کے لیے اولان باتار کے مرکز میں پہنچ گئے۔ روسی صدر روسی ساختہ اورس کار میں جلسہ گاہ پہنچے۔ اطلاعات کے مطابق منگولیا کے صدر اخناگیں خرلسوکھ جنہوں نے روسی رہنما کو مدعو کیا تھا نے ان سے دارالحکومت کے مرکزی سکھباتار اسکوائر پر ملاقات کی، جہاں منگولیا کی تمام اہم سرکاری ایجنسیوں کی رہائش گاہیں واقع ہیں۔ اس موقع پر دونوں ممالک کے صدور سرخ قالین پر استقبالیہ تقریب کے دوران ملے۔ دونوں رہنماؤں نے مصافحہ کیا جس سے دورے کے سرکاری حصے کا آغاز ہوا۔
روسی صدر کے ہمراہ ایک نمائندہ وفد بھی ہے جس میں نائب وزیراعظم الیکسی اوورچک، وزیر خارجہ سرگئی لاوروف، وزیر کھیل میخائل ڈیگٹیاریف، وزیر ٹرانسپورٹ رومن سٹاروویٹ، وزیر توانائی سرگئی تسیویل، قدرتی وسائل کے وزیر الیگزینڈر کوزلوف، روساٹم کے سی ای او الیگزیٹ لیکاچیف، روسی ڈائریکٹ کے سربراہ بھی شامل ہیں۔ اس کے علاوہ انویسٹمنٹ فنڈ کیرل دمتریئیف، روسٹیک کے سی ای او سرگئی چیمیزوف، روسی فیڈرل سروس فار سرویلنس آن کنزیومر رائٹس پروٹیکشن اینڈ ہیومن ویلبیئنگ کی سربراہ اینا پوپووا، نیز کریملن کے معاون یوری یوشاکوف، روسی صدارتی انتظامیہ کے نائب سربراہ اور میکسم کینیا کے نائب سربراہ الیکسی سائڈینوف بھی شامل ہیں.