امریکی پابندیوں پر خاموش نہیں بیٹھیں گے، ترجمان روسی وزارت خارجہ
ماسکو (صداۓ روس)
روسی وزارت خارجہ کی ترجمان ماریا زاخارووا نے روسی میڈیا کے خلاف امریکہ کی تازہ ترین پابندیوں کے ردعمل میں کہا کہ روسی میڈیا کے خلاف امریکہ کے اقدامات پر خاموش نہیں رہیں گے. انہوں نے کہا کہ امریکی انتظامیہ کے اقدامات کا جواب دیا جائے گا۔ روسی سفارت کار نے اس حقیقت کی طرف توجہ مبذول کرائی کہ امریکہ نے روسی میڈیا اور صحافیوں کے خلاف پابندیوں کی ایک اور لہر شروع کر دی ہے،اور اب امریکہ کسی بھی اختلاف رائے کو مکمل طور پر ختم کرنے کے راستے پر سختی سے عمل پیرا ہے۔ انہوں نے یاد دلایا کہ 13 ستمبر کو، امریکی وزیر خارجہ انٹونی بلنکن نے روسی میڈیا ہولڈنگز کے خلاف نئی پابندیاں متعارف کرانے کا اعلان کیا۔
زاخارووا نے مزید کہا کہ روس امریکہ میں پھیلی ہوئی سنسر شپ مہم کا متعلقہ بین الاقوامی ڈھانچے کے مطابق رد عمل دے گا، جن کی سرگرمیاں واشنگٹن نے ترتیب دی ہیں۔