ملک کے اندر حملوں کا روس زیادہ طاقتور ہتھیاروں سے جواب دے گا, دوما اسپیکر
ماسکو (صداۓ روس)
روسی اسٹیٹ دوما کے اسپیکر ویاچسلاو ولوڈن نے کہا کہ ملک کے شہروں کے خلاف اندر تک حملوں کی صورت میں روس زیادہ طاقتور ہتھیاروں سے جواب دے گا۔ اسٹیٹ دوما کے اسپیکر ویاچسلاو ولوڈن نے کہا کہ روسی شہروں کے خلاف گہرے حملوں کی صورت میں روس زیادہ طاقتور ہتھیاروں سے جواب دے گا۔ ویاچسلاو نے پارلیمنٹ کے موسم خزاں کے اجلاس کے آغاز سے پہلے کہا کہ آج امریکہ روس کی سرزمین پر حملوں کے امکان پر بات کرنے میں کوئی ہچکچاہٹ محسوس نہیں کرتا، اس طرح کے حملوں کا کیا مطلب ہے؟ سیٹلائٹ کلسٹرز کا تعلق امریکہ اور نیٹو ممالک سے ہے۔ ان کا کہنا تھا کہ اس صورت میں ٹارگٹ اور کمانڈ پر عمل درآمد مشترکہ طور پر کیا جائے گا۔ سپیکر اسٹیٹ دوما نے کہا کہ نیٹو حکام کے سیٹلائٹ کلسٹرز کے ساتھ اس کا مطلب ہے کہ نیٹو اس تنازعہ میں پوری طرح ملوث ہے۔
انہوں نے زور دیتے ہوئے کہا کہ یہ بحث انتہائی خوفناک نتائج کی طرف لے جا سکتی ہے، وہ ہمارے پرامن شہروں پر حملوں پر بات کر رہے ہیں، اور وہ یہ سوچتے ہوئے اس پر بحث کر رہے ہیں کہ اس سے ان پر کوئی اثر نہیں پڑے گا، ایسا نہیں ہے۔ ویاچسلاو ولوڈن نے کہا ہم جوابی کارروائی کریں گے، ہمارے پاس جوابی کارروائی کے ذرائع ہیں جس کے لئے ہم نے مزید طاقتور ہتھیار تیار کر رکھے ہیں.