روس کا ازبکستان کے حوالے سے بڑا اعلان
تاشقند (صداۓ روس)
ازبکستان روسی گلوںاسس سیٹلائٹ سسٹم کے اعلیٰ درستگی کے سگنل تک رسائی حاصل کر سکتا ہے۔ روسی صدر ولادیمیر پوتن نے اس معاملے پر مذاکرات پر آمادگی ظاہر کی ہے۔ روسی ریاست کے سربراہ کی طرف سے دستخط کردہ حکم میں کہا گیا روسی حکومت کی تجویز کو قبول کرنے کے لیے روسی فیڈریشن کی حکومت اور ازبکستان کی حکومت کے درمیان ایک معاہدہ طے پائے گا. ان کا کہنا تھا کہ ازبکستان کو روسی گلوبل نیویگیشن سیٹلائٹ سسٹم گلوںاسس کے اعلیٰ درستگی کے سگنل تک رسائی دینے کے لیے مذاکرات ہوں گے.
واضح رہے روسی گلوبل نیویگیشن سیٹلائٹ سسٹم (گلوناس) کو زمین، سمندر، ہوا اور خلا کے صارفین کو نیویگیشن کی معلومات فوری طور پر فراہم کرنے کے لیے ڈیزائن کیا گیا ہے۔ اس کے سگنلز ہوا بازی اور نقل و حمل، زراعت، تعمیرات، جیوڈیسی اور نقشہ نگاری میں استعمال ہوتے ہیں- روس کے علاوہ امریکا کے پاس جی پی ایس چین کے پاس بائی ڈو، اور یورپی یونین (گلیلیو) کے پاس بھی عالمی نیویگیشن سیٹلائٹ سسٹم موجود ہیں۔ نیز، ہندوستان اور جاپان کے پاس علاقائی سیٹلائٹ نیویگیشن سسٹم ہیں۔