مسلم ممالک اسرائیل کے خلاف یکجا ہوجائیں، ایران کا مطالبہ
ماسکو (انٹرنیشنل ڈیسک)
ایرانی سپریم لیڈر آیت اللہ علی خامنہ ای نے مطالبہ کیا ہے کہ دنیا بھر کی اسلامی ریاستوں کو فلسطینی عوام کی حمایت کا مظاہرہ کرنے کے لیے اسرائیل سے اقتصادی تعلقات منقطع کرنے چاہئیں۔ ایرانی رہبر معظم نے تہران میں اسلامی اتحاد کانفرنس کے شرکاء سے خطاب کرتے ہوئے کہا کہ سب مسلم ممالک کو اسرائیل کے خلاف یکجا ہونے کی ضرورت ہے۔ اپنی تقریر میں خامنہ ای نے اسرائیل پر الزام لگایا کہ وہ غزہ میں حماس کے خلاف تقریباً ایک سال سے جاری فوجی مہم میں جرائم کا ارتکاب کر رہا ہے۔ انکلیو کی وزارت صحت کے تازہ ترین اعداد و شمار کے مطابق اب تک تنازعات میں 41,000 سے زیادہ فلسطینی ہلاک ہو چکے ہیں۔
خامنہ ای نے دعویٰ کیا کہ اسرائیل غزہ میں اپنے فوجی آپریشن میں کیے جانے والے جرائم کو مزید بڑھا رہا ہے۔غزہ، مغربی کنارے، لبنان اور شام میں، خامنہ ای کے بیانات کا ترجمہ اور اشتراک کرنے والے ایک ایکس اکاؤنٹ میں ایرانی رہبر کا حوالہ دیا گیا جس میں بتایا کہ کہ آج اسرائیلی حکومت بے شرمی سے اور اسے چھپائے بغیر جرائم کا ارتکاب کر رہی ہے۔ ایرانی سپریم لیڈر نے مسلم دنیا سے مطالبہ کیا کہ وہ مغربی یروشلم سے اپنے تعلقات منقطع کریں۔