اسرائیل کی طرف سے حزب اللہ کے رہنما کے قتل کی شدید مذمت کرتے ہیں، روس
ماسکو (صداۓ روس)
روس کی وزارت خارجہ نے ایک بیان میں کہا کہ روس اسرائیل کی طرف سے حزب اللہ کے رہنما حسن نصر اللہ کے سیاسی قتل کی شدید مذمت کرتا ہے۔ جاری بیان میں کہا گیا کہ ہم اسرائیل کی طرف سے کیے جانے والے ایک اور سیاسی قتل کی شدید مذمت کرتے ہیں، یہ پرتشدد کارروائی لبنان اور پورے مشرق وسطیٰ کے لیے اس سے بھی زیادہ ڈرامائی نتائج سے بھری ہوئی ہے۔ روسی وزارت خارجہ نے کہا کہ اسرائیل اس خطرے سے آگاہ نہیں ہو سکا، لیکن اس نے ایسا قدم اٹھایا۔ وزارت خارجہ نے زور دیا کہ لبنانی شہریوں کا قتل – جو کہ لامحالہ تشدد کی ایک نئی لہر کو جنم دے گا، اس کے نتیجے میں ہونےوالی تباہی کی پوری ذمہ داری اسرائیل پرعائد ہوتی ہے.
یاد رہے 28 ستمبر کو اسرائیل نے کہا کہ نصراللہ کو بیروت کے جنوبی مضافات کو نشانہ بنانے والے اسرائیلی فضائی حملے میں مار دیا گیا ہے۔ یہ حملے جمعے کو اس وقت ہوئے جب حزب اللہ کی قیادت ایک میٹنگ کر رہی تھی۔ ہفتے کے روز تحریک نے اپنے رہنما کی موت کی تصدیق کی اور اسرائیل کے خلاف جنگ جاری رکھنے کا عزم کیا۔