امریکہ روسی فوج سے پریشان ہے، امریکی نائب وزیرخارجہ
ماسکو (انٹرنیشنل ڈیسک)
امریکہ کے نائب وزیر خارجہ کرٹ کیمبل نے کہا ہے کہ واشنگٹن روسی فوج کی تیزی سے تعمیر نو پر بہت زیادہ فکر مند ہے اور روسی فوج کی اس منظم قوت کو جزوی طور پر چین کے ساتھ ماسکو کے مضبوط تعلقات کو منسوب کرتا ہے۔ واشنگٹن میں قائم تھنک ٹینک کارنیگی اینڈومنٹ فار انٹرنیشنل پیس کی میزبانی میں یوکرین کے تنازع پر گفتگو کرتے ہوئے کیمپبل نے کہا کہ ہم نے پچھلے دو سالوں کے دوران جو کچھ دیکھا ہے وہ روسی فوج کی تشکیل نو ہے۔ ان کا کہنا تھا کہ منظم ہوتی ہوئی روسی فوج میں تیزی سے جدت آرہی ہے اور ان کا عزم جو واضح طور پر ہمیں حیران کر رہا ہے۔ انہوں نے مزید اعتراف کیا کہ یہ مغرب کے لیے حقیقی پریشانی کا موضوع رہا ہے۔
کیمبل سے پوچھا گیا کہ کیا امریکہ کیف کو فوجی صلاحیتیں فراہم کرنے میں بہت محتاط رہا ہے؟ جس کے ردعمل میں انہوں نے اس بات کی طرف اشارہ کرتے ہوئے جواب دیا کہ واشنگٹن یوکرین کو سب سے زیادہ امداد فراہم کرنے والا ملک ہے اور زیادہ تر امداد بروقت پہنچائی گئی۔امریکی سفارت کار نے روس میں فوجی پیداوار میں اضافے کی وجہ غیرملکی مدد اور خاص طور پر چین کے ساتھ تعاون کو قرار دیا۔ کیمبل نے دعویٰ کیا کہ اسٹیٹ ڈپارٹمنٹ نے اس بات کا اندازہ لگایا ہے کہ دونوں ممالک کے درمیان شراکت داری کتنی قریبی بن گئی ہے، اسی طرح امریکی سفارت کاروں کی پچھلی نسلوں نے چین-سوویت تعلقات کی گہرائی کو کس طرح کم سمجھا۔ انہوں نے استدلال کیا کہ بیجنگ اور ماسکو کے درمیان تعلقات شاید آج عالمی سطح پر سب سے مضبوط اور اہم دو طرفہ مصروفیت ہے جس کا ہمیں نوٹس لیتے ہوئے اس کا جواب دینا ہے۔