اسرائیلی وزیراعظم بنجمن نیتن یاہو کے گھر پر ڈرون حملہ
ماسکو (انٹرنیشنل ڈیسک)
اسرائیلی میڈیا نے بتایا کہ ہفتہ کی صبح حیفا کے علاقے سیزریا میں دھماکے کی آواز سنی گئی، جہاں وزیر اعظم نیتن یاہو کی نجی رہائش گاہ ہے. حزب اللہ نے اسرائیلی وزیراعظم بنجمن نیتن یاہو کی نجی رہائش گاہ کے قریب ڈرون حملہ کیا ہے۔ اسرائیلی میڈیا نے بتایا کہ ہفتہ کی صبح حیفا کے علاقے سیزریا میں دھماکے کی آواز سنی گئی، جہاں وزیر اعظم نیتن یاہو کی نجی رہائش گاہ ہے۔ اسرائیلی فوج (آئی ڈی ایف) نے کہا ہے کہ لبنان سے داغے گئے ڈرون نے ایک عمارت کو نشانہ بنایا ہے۔ ابھی تک کسی کے زخمی ہونے کی اطلاع نہیں ہے۔ یروشلم پوسٹ کی رپورٹ کے مطابق قیصریہ میں ڈرون حملے کے وقت تل ابیب میں سائرن کی آواز بھی سنی گئی۔
لبنان نے 19 اکتوبر 2024 بروز ہفتہ اسرائیل کے خلاف جوابی کارروائی کی۔ اسرائیلی اخبار ہارٹز کی رپورٹ کے مطابق ڈرون حملہ لبنان سے کیا گیا۔ یہ حملہ وسطی اسرائیل کے شہر قیصریہ میں ایک گھر پر کیا گیا۔ بتایا جا رہا ہے کہ حملے کا ہدف نیتن یاہو کا گھر تھا۔ قابل ذکر بات یہ ہے کہ نیتن یاہو کا گھر محفوظ ہے۔ اسرائیل کی دفاعی افواج کا کہنا ہے کہ لبنان سے تین ڈرون فائر کیے گئے اور ان میں سے ایک نے وسطی اسرائیلی شہر قیصریہ میں ایک گھر کو نشانہ بنایا۔ جس عمارت میں یہ ڈرون گرا اس کو نقصان پہنچا ہے ۔قابل ذکر بات یہ ہے کہ اس حملے میں کسی جانی نقصان کی کوئی خبر نہیں ہے۔
آئرن ڈوم کی ناکامی کی تحقیقات بھی شروع
قابل ذکر بات یہ ہے کہ ڈرون کے اسرائیل کے زیر قبضہ فضائی حدود میں داخل ہونے کے بعد شمالی تل ابیب میں گلیلوٹ بستی میں فوجی اڈوں پر سائرن بجنے لگے۔ اسرائیلی قابض افواج نے یہ بھی بتایا کہ ڈرون حملہ کرنے سے پہلے ایک گھنٹہ تک عمارت کے اوپر منڈلاتا رہا، بعد میں اسرائیلی میڈیا نے بتایا کہ اسرائیلی افواج نے ڈرون کو روکنے کے لیے نظام کی خرابی کی تحقیقات کی۔