روسی صدر نے نو منتخب امریکی صدر ڈونلڈ ٹرمپ کو مبارکباد دے دی
ماسکو (صداۓ روس)
روس کے صدر ولادیمیر پوتن نے ڈونلڈ ٹرمپ کو انتخابی کامیابی پر مبارکباد دیتے ہوئے کہا ہے کہ وہ نو منتخب امریکی صدر سے بات کرنے کے لیے تیار ہیں۔ صدر پوتن نے قتل کی کوشش کے دوران ٹرمپ کے اقدامات کو جرات مندانہ قرار دیا۔ جمعرات کو جنوبی روس کے شہر سوچی میں والڈائی انٹرنیشنل ڈسکشن کلب کے ایک اجلاس سے خطاب کرتے ہوئےصدر پوتن نے کہا کہ وہ امریکہ کے صدر کے طور پر ٹرمپ کے انتخاب پر مبارکباد پیش کرنا چاہتے ہیں۔ صدر پوتن نے کہا کہ ٹرمپ نے یوکرین کے تنازع کو ختم کرنے کی خواہش کا اظہار کیا ہے، اور اس طرح کے بیانات زیادہ سے زیادہ توجہ کے مستحق ہیں.
اپنے خطاب کے دوران روسی صدر نے رواں برس موسم گرما میں پنسلوانیا میں قاتلانہ حملے کی ایک کوشش کے دوران ٹرمپ کے اقدامات کو خراج تحسین پیش کیا. روسی صدر نے وضاحت کرتے ہوئے مزید کہا کہ حملے کر بعد جیسے انہوں نے جرات مندی سے اپنے مداحوں کو مکا لہرا کر حوصلہ بڑھایا، میں اس چیز سے بہت متاثر ہوا. پوتن نے کہا یقینی طور پر ڈونلڈ ٹرمپ ایک بہادر شخص ہیں، کیونکہ ایک جری شخص ہی ان ہنگامی حالات میں ثابت قدم رہتا ہے.