لتھوانیا کے ولنیئس ہوائی اڈے کے قریب کارگو طیارہ گر کر تباہ
ماسکو (انٹرنیشنل ڈیسک)
لتھوانیا کے دارالحکومت میں ولنیئس انٹرنیشنل ایئرپورٹ ہوائی اڈے کے ترجمان ماریئس زیلینیئس نے ایل آر ٹی ریڈیو اسٹیشن کو بتایا کہ جرمن شہر لیپزگ سے جانے والا ایک کارگو طیارہ لتھوانیا کے دارالحکومت میں ولنیئس انٹرنیشنل ایئرپورٹ کے قریب ایک رہائشی عمارت سے ٹکرا گیا۔ انہوں نے کہا کہ ایک ڈی ایچ ایل طیارہ دو منزلہ رہائشی عمارت سے ٹکرا گیا۔ ابتدائی اطلاعات کے مطابق طیارے میں دو پائلٹ اور دو کمپنی کے ملازمین سوار تھے۔ خوش قسمتی سے ایک پائلٹ حادثے میں بچ گیا، جب کہ طیارے میں موجود دیگر افراد کے بارے میں فی الحال کوئی معلومات دستیاب نہیں ہیں۔ابھی تک یہ واضح نہیں ہے کہ آیا عمارت میں لوگ موجود تھے یا نہیں جبکہ فائر فائٹرز جائے حادثہ پر کام کر رہے ہیں۔
Facebook Comments Box