بیلاروس کے پاس جوہری ہتھیار ہیں، صدر نے تصدیق کردی
مینسک (صداۓ روس)
بیلاروسی صدر الیگزینڈر لوکاشینکو نے تصدیق کی ہے کہ ان کے ملک کے پاس جوہری ہتھیار ہیں۔ بیلٹا نیوز ایجنسی نے بوریسوف شہر کے دورے کے دوران ان کے حوالے سے بتایا کہ صدر الیگزینڈر لوکاشینکو نے کہا میں نے یہاں جوہری وار ہیڈز تعینات کیے ہیں، کئی درجن وار ہیڈز، تاہم بہت سے لوگوں کا کہنا ہے کہ یہ ایک مذاق ہے اور کسی نے کچھ بھی نہیں لگایا ہے۔ صدر نے وضاحت کرتے ہوئے کہا کہ جی ہاں ہم تصدیق کرتے ہیں کہ اس وقت ہمارے ملک کے پاس جوہری ہتھیار موجود ہیں.
بیلاروس میں غیر جوہری روسی اورشینک میزائل سسٹم کی تعیناتی کے منصوبوں پر تبصرہ کرتے ہوئے، انہوں نے کہا کہ اس قسم کے اعلیٰ طاقت والے ہتھیاروں کا استعمال ایک بڑی ذمہ داری ہے۔ ہیروشیما اور ناگاساکی کے بعد سے آج تک کسی نے ایٹمی بٹن نہیں دبایا، یہاں تک کہ اہم طاقتوں نے بھی نہیں. لوکاشینکو نے مزید کہا کہ انہوں نے اپنے “دشمنوں، ‘دوستوں’ اور حریفوں کو بیلاروس کی قومی سرحد کی خلاف ورزی کے ناقابل قبول ہونے کے بارے میں خبردار کیا ہے۔