جناح انٹرنیشنل ایئرپورٹ پر ہندوستانی پرواز کی میڈیکل ایمرجنسی لینڈنگ
اسلام آباد (صداۓ روس)
پاکستانی میڈیا کے مطابق ہندوستانی ایئر لائن انڈیگو کی پرواز دہلی سے جدہ جا رہی تھی کہ پاکستان کی فضائی حدود میں ایک مرد مسافر کی طبیعت خراب ہوگئی۔ جہاز کے عملے نے مسافر کو آکسیجن فراہم کی لیکن اس سے طبیعت سنبھل نہ سکی۔ پائلٹ نے کراچی ایئر ٹریفک کنٹرول سے رابطہ کیا اورانسانی ہمدردی کی بنیاد پر کراچی میں میڈیکل ایمرجنسی لینڈنگ کی اجازت طلب کی۔ اجازت ملنے پر پائلٹ نے طیارے کا رخ کراچی کی طرف کر دیا اور جناح انٹرنیشنل ایئرپورٹ پر لینڈنگ کی۔ جس کے بعد پاکستان سول ایوی ایشن اتھارٹی کی میڈیکل ٹیم نے جہاز میں جا کر مسافر کو طبی امداد دی۔
Facebook Comments Box