بشار الاسد کو یوکرین سے آزاد کروائے گئےعلاقے میں بھیجنے کی تجویز
ماسکو (صداۓ روس)
روسی سیاست دان دیمتری کزنٹسوف نے مشورہ دیا ہے کہ جلاوطن سابق شامی رہنما بشار اسد کو یوکرین کے ساتھ تنازعے کے دوران تباہ ہونے والے روسی شہروں کی تعمیر نو میں اپنا حصہ ڈالنا چاہیے۔ انہوں نے مزید کہا کہ اسد کو ممکنہ طور پر روسی شہریت دی جا سکتی ہے۔ خیال رہے شام پر تقریباً 25 سال تک حکومت کرنے والے اسد کو اس مہینے کے شروع میں معزول کر دیا گیا تھا، جب حیات تحریر الشام کے اسلام پسندوں کے زیر تسلط مسلح اپوزیشن گروپوں کے ایک اتحاد نے طاقتور حملے میں دمشق پر قبضہ کرلیا تھا۔
کریملن کے مطابق اسد اور ان کے خاندان کو روس میں سیاسی پناہ دی گئی ہے۔ اتوار کو شامی دارالحکومت کے سقوط کے بعد سے وہ عوام میں نظر نہیں آئے اور نہ ہی کوئی بیان جاری کیا ہے۔ یہ واضح نہیں ہے کہ وہ آگے کیا کرنے کا ارادہ رکھتا ہے۔ کزنیتسوف جو پارلیمانی خارجہ تعلقات کمیٹی میں بیٹھے تھے نے کہا کہ مجھے یقین ہے کہ بشار الاسد اور ان کا خاندان دونباس کے ان علاقوں میں سے ایک کے لئے مددگار بن سکتے ہیں جو جنگ سے تباہ ہو گیا تھا، اور ماریوپول میں نئے تعمیر شدہ مکانات میں سے ایک میں منتقل ہوسکتے ہیں. بحیرہ اسود کے بندرگاہی شہر ماریوپول، جو اس وقت روس کے ڈونیٹسک عوامی جمہوریہ کا حصہ ہے، تین ماہ کے محاصرے کے بعد 2022 میں روسی فوجیوں نے آزاد کروا لیا تھا، فلحال روسی حکام اس شہر کی تعمیر نو میں مصروف ہیں۔