 in South Texas while attempting){kind=link}
میکسیکن منشیات مافیا نے امریکی سرحدی فورس پر فائر کھول دیا, فاکس نیوز
ماسکو (انٹرنیشنل ڈیسک)
امریکی سرحدی گشت کے ایجنٹوں کو مبینہ طور پر جنوبی ٹیکساس میں میکسیکن کارٹیل (منشیات مافیا) کے مشتبہ ارکان کی جانب سے غیر قانونی سرحد عبور کرنے کی کوشش کے دوران فائرنگ کا نشانہ بنایا گیا ہے۔ امریکی صدر ڈونلڈ ٹرمپ نے گزشتہ ہفتے میکسیکو کے ساتھ سرحد پر قومی ایمرجنسی کا اعلان کیا تھا اور کئی کراسنگ پر فوج کو تعینات کیا تھا، جبکہ ممکنہ طور پر لاکھوں افراد کو ملک بدر کرنے کی کوشش کی تھی جو غیر قانونی طور پر ملک میں موجود ہیں۔
فاکس نیوز کے نمائندے بل میلوگین نے پیر کی سہ پہر کو قانون نافذ کرنے والے متعدد ذرائع کا حوالہ دیتے ہوئے اطلاع دی کہ فرنٹن، ٹیکساس کے قریب بارڈر پٹرول ایجنٹوں پر میکسیکو سے مشتبہ کارٹیل بندوق برداروں نے فائرنگ کی کیونکہ غیر قانونی غیر ملکیوں کے ایک گروپ کو دریا کے پار سے امریکی سرحدی حدود میں لایا جا رہا تھا۔ میلوگین نے مزید کہا کہ مجھے بتایا گیا ہے کہ بارڈر گشت نے جوابی فائرنگ کی، جس کے نتیجے میں دونوں جانب جانی نقصان نہیں ہوا.