پی آئی اے کا مسافروں کے لیے بڑا اعلان

پی آئی اے کا مسافروں کے لیے بڑا اعلان

اسلام آباد (صداۓ روس)
پاکستان انٹرنیشنل ایئرلائن (پی ائی اے) نے کینیڈا سے پاکستان آنے والی پروازوں کے ٹکٹ پر 10 فیصد رعایت کا اعلان کردیا۔ ترجمان پی آئی اے کی جانب سے جاری بیان میں کہا گیا کہ کینیڈا سے پاکستان آنے والی پی آئی اے کی پروازوں پر 10 فیصد رعایت فوری طور ٹکٹ بکنگ کرائی جاسکتی ہے، 9 فروری تک ٹکٹ بک کرواکر 10 فیصد رعایتی ٹکٹ خریدے جاسکتے ہیں۔ ترجمان پی آئی اے نے کہا کہ 10 فیصد رعایتی ٹکٹ پر سفر 9 فروری سے 20 مئی 2025 تک کیا جاسکتا ہے۔

خیال رہے اس سے قبل قومی ایئر لائن (پی آئی ای) نے سال نو 2025 پر پاکستان آنے والوں کو ٹکٹس پر رعایت دینے کا اعلان کیا تھا ۔ پی آئی اے ذرائع کے مطابق رواں سال 2025 کی آمد پر کینیڈا سے آنے والی پروازوں پر رعایت دینے کا فیصلہ کیا ہے، ان پروازوں پر خصوصی طور پر 10 فیصد رعایت دی جائے گی۔ ترجمان نے بتایا کہ خریدے گئے رعائتی ٹکٹ پر کینیڈا سے پاکستان سفر 11 جنوری سے 20 مارچ 2025 تک کیا جا سکتا ہے۔ انہوں نے مزید کہا کہ یہ پی آئی اے انتظامیہ کا کینیڈا میں رہنے والے ہم وطنوں کیلیے نئے سال کا تحفہ ہے۔