صرف صدر پوتن سے بات کرنے کو تیار ہوں، یوکرینی صدر
ماسکو (انٹرنیشنل ڈیسک)
یوکرین کے رہنما ولادیمیر زیلنسکی نے کہا ہے کہ صدر ولادیمیر پوتن واحد روسی اہلکار ہیں جن کے ساتھ وہ بات چیت کے لیے تیار ہیں، کسی بھی ایسے فارمیٹ کو مسترد کرتے ہیں جس میں ماسکو کے کسی دوسرے نمائندے کو شامل کیا جائے۔ زیلنسکی نے 2022 میں ایک حکم نامہ جاری کیا جس میں روسی سربراہ مملکت کے ساتھ کسی بھی قسم کی بات چیت پر پابندی لگا دی گئی۔ تاہم اس ماہ کے شروع میں، یوکرینی رہنما اس معاملے پر یو ٹرن لیتے ہوئے نظر آئے، انہوں نے برطانوی صحافی پیئرز مورگن سے کہا کہ وہ صدر پوتن سے ملاقات کریں گے اگر یہ واحد سیٹ اپ ہے جس میں ہم یوکرین کے شہریوں کو امن لا سکتے ہیں۔
میونخ سیکیورٹی کانفرنس کے شرکاء سے خطاب کرتے ہوئے زیلنسکی نے زور دیا کیا کہ وہ روسیوں سے ملنے نہیں جا رہے بلکہ میں صرف ایک روسی سے ملاقات کروں گا اور وہ ہیں روسی صدر پوتن – زیلنسکی نے جلد بازی میں مزید کہا کہ ہم یوکرین، امریکہ اور یورپی یونین کے مشترکہ لائحہ عمل کے بعد ہی صدر پوتن کے ساتھ بیٹھیں گے اور ہم جنگ بند کر دیں گے۔