امریکہ سے مذاکرات کیلئے روسی وزیرخارجہ سعودی عرب جائیں گے،کریملن
ماسکو (صداۓ روس)
کریملن کے ترجمان دیمتری پیسکوف نے اعلان کیا ہے کہ روسی وزیر خارجہ سرگئی لاوروف اور صدر ولادیمیر پوتن کے خارجہ پالیسی کے معاون یوری اُشاکوف پیر کو سعودی عرب جائیں گے جہاں وہ امریکی صدر ڈونلڈ ٹرمپ کی ٹیم سے ملاقات کریں گے تاکہ دونوں رہنماؤں کی آئندہ ملاقات کے لیے ماحول تیار کیا جا سکے۔ پچھلے ہفتے ٹرمپ نے دفتر واپسی کے بعد صدر پوتن کے ساتھ اپنی پہلی فون کال کی۔ اس 90 منٹ کی گفتگو کے بعد ماسکو اور واشنگٹن نے اعلان کیا کہ دونوں رہنما جلد ہی آمنے سامنے ہوں گے اور بعد میں آگاہ کیا کہ سربراہی ملاقات سعودی دارالحکومت ریاض میں ہوگی۔
پیرکو صحافیوں سے بات کرتے ہوئے پیسکوف نے کہا کہ لاوروف اور اوشاکوف صدر پوتن کی ہدایت پر منگل کو ایک امریکی وفد سے ملاقات کے لیے ریاض جا رہے ہیں۔ یہ مذاکرات دوطرفہ تعلقات کی تعمیر نو کے لیے وقف ہوں گے، جس میں یوکرین کے بحران کے حل کے لیے آنے والے مذاکرات اور پوتن-ٹرمپ سربراہی اجلاس کی تنظیم شامل ہے۔ پیسکوف نے وضاحت کی کہ سعودی عرب کو اعلیٰ سطحی مذاکرات کے لیے جگہ کے طور پر چنا گیا کیونکہ یہ امریکی اور روسی دونوں فریقوں کے لیے موزوں ہے۔