یوکرین تنازعہ: روس اور امریکہ کے درمیان سعودی عرب میں مذاکرات شروع
ماسکو (صداۓ روس)
ریاض، سعودی عرب میں اعلیٰ روسی اور امریکی سفارت کاروں کے درمیان مذاکرات شروع ہوگئے ہیں، جس کا مقصد سفارتی یوکرین تنازعہ کا حل اور باہمی تعلقات کی بحالی کا راستہ تلاش کرنا ہے، اور روسی صدر ولادیمیر پوتن اور ان کے امریکی ہم منصب ڈونلڈ ٹرمپ کے درمیان سربراہی اجلاس کا مرحلہ طے کیا جا سکے اور یوکرین کے تنازع کے حل کی راہ ہموار کی جا سکے۔ روسی وفد کی قیادت وزیر خارجہ سرگئی لاوروف کر رہے ہیں اور اس میں صدر پوتن کے اعلیٰ خارجہ پالیسی معاون یوری اُشاکوف اور روسی براہ راست سرمایہ کاری فنڈ کے سی ای او کیرل دمتریف شامل ہیں۔ امریکی فریق کی نمائندگی امریکی وزیر خارجہ مارکو روبیو، ٹرمپ کے قومی سلامتی کے مشیر مائیک والٹز اور مشرق وسطیٰ کے لیے خصوصی ایلچی اسٹیو وٹ کوف کر رہے ہیں۔
روس اور امریکہ کے درمیان ہونے والے اس مذاکراتی عمل میں نہ تو یوکرین اور نہ ہی یورپی یونین کو شرکت کی دعوت دی گئی ہے، جبکہ کیف نے کہا ہے کہ وہ مذاکرات کے نتائج کو تسلیم نہیں کرے گا جب تک اسے بات چیت کے عمل میں شامل نہیں کیا جاتا۔