کریملن کا یوکرین میں نیٹو فوجیوں کی تعیناتی کے ٹرمپ کے بیان پر ردعمل

کریملن کا یوکرین میں نیٹو فوجیوں کی تعیناتی کے ٹرمپ کے بیان پر ردعمل

ماسکو (صداۓ روس)
کریملن نے امریکی صدر ڈونلڈ ٹرمپ کے اس دعوے کی تردید کی ہے کہ روس ممکنہ امن معاہدے کے تحت یوکرین میں نیٹو ممالک کے فوجیوں کی تعیناتی کو “قبول” کرے گا۔ جب صحافیوں نے پیر کو یوکرین میں مغربی افواج کی تعیناتی کے امکان کے بارے میں رائے کے بارے میں پوچھا تو ٹرمپ نے کہا کہ روسی صدر ولادیمیر پوتن اسے قبول کریں گے میں نے اس سے یہ سوال کیا ہے۔ کریملن کے ترجمان دیمتری پیسکوف نے منگل کے روز صحافیوں کو بتایا کہ تاہم وزیر خارجہ سرگئی لاوروف کی جانب سے نیٹو ممالک کی مسلح افواج کی موجودگی، یہاں تک کہ یورپی یونین کے جھنڈے کے نیچے یا قومی دستے کے حصے کے طور پر یوکرین میں فوجیوں کی تعیناتی کے حوالے سے ماسکو کا موقف تبدیل نہیں ہوا ، ان کا کہنا تھا کہ یہ ماسکو کے لیے مکمل طور پر ناقابل قبول ہے۔ ٹرمپ نے اصرار کیا کہ انہوں نے یوکرین میں نیٹو افواج ا تعیناتی کے حوالے سے خاص طور پر روسی صدر سے یہ سوال پوچھا تھا۔ انہوں نے واشنگٹن میں فرانسیسی صدر ایمانوئل میکرون سے ملاقات کے بعد پریس سے بات کرتے ہوئے کہا کہ انہیں اس سے کوئی مسئلہ نہیں ہے۔

ٹرمپ اور صدر پوتن نے فروری میں ایک گھنٹہ سے زیادہ وقت تک فون پر بات کی تھی۔ دونوں فریقین کے مطابق اس بات چیت میں یوکرین کے جاری تنازع سمیت متعدد موضوعات پر بات ہوئی۔ تاہم، کسی بھی فریق نے اس وقت پہنچنے والے کسی مفاہمت کا ذکر نہیں کیا جس کا تعلق یوکرین میں مغربی فوجیوں کی تعیناتی سے ہو۔