مغرب روس کو نہیں سمجھ سکتا، روسی صدر
ماسکو (صداۓ روس)
صدر ولادیمیر پوتن نے کہا ہے کہ مغرب کے کچھ لوگ روس کو نہیں سمجھ سکتے، پھر بھی یہ حقیقت ملک کی ترقی میں رکاوٹ نہیں بن سکتی۔ روسی صدر نے یہ باتیں بدھ کو بچوں اور نوجوانوں کے لیے ایک روسی تنظیم موومنٹ آف دی فرسٹ کے نگراں بورڈ کے اجلاس کے دوران کہیں۔ صدر پوتن نے کہا کہ نام نہاد مغرب میں ایسے لوگ ہیں جو روس کو نہیں سمجھتے، لیکن یہ چیز ہمیں زندہ رہنے اور ترقی کرنے سے نہیں روک سکتی۔ ان کا کہنا تھا کہ اس کی بجائے ہمیں صرف ان لوگوں کی تعداد بڑھانے کی ترغیب دینی چاہیے جو ہمیں سمجھتے ہیں اور ہمارے ساتھ امن اور دوستی کے ساتھ رہنا چاہتے ہیں۔
روسی صدر نے زور دیا کہ خاص طور پر نوجوانوں کے ساتھ وسیع کام کے ذریعے ایسا مقصد حاصل کیا جا سکتا ہے۔ انہوں نے کہا، اگر ہم نوجوانوں، بچوں، نوعمروں، ملک کے مستقبل کی بنیاد بنانے اور اس ملک کی قدر کرنے والوں کے ساتھ فعال اور مؤثر طریقے سے کام کریں تو اس شعبے میں کامیابی ہماری منتظر ہے۔