روس آرکٹک ریجن میں اپنے مفادات کا دفاع کرے گا، روسی صدر
ماسکو (صداۓ روس)
روس کے صدر ولادیمیر پوتن نے کہا ہے کہ امریکی زیر قیادت نیٹو بلاک آرکٹک کو مستقبل کے تنازعات کے لیے ایک “پل ہیڈ” کے طور پر دیکھتا ہے اور انتہائی شمال میں کام کرنے کے لیے فوجیوں کو تربیت دے رہا ہے۔ جمعرات کو مرمانسک میں بین الاقوامی آرکٹک فورم سے خطاب کرتے ہوئے انہوں نے کہا کہ روس خطے میں اپنے قومی مفادات اور خودمختاری کو برقرار رکھنے کی پوری کوشش کرے گا۔ صدر پوتن نے کہا کہ آرکٹک میں تعینات روسی افواج کی تعداد وہاں بڑھتے ہوئے چیلنجوں سے نمٹنے کے لیے بڑھے گی۔ انہوں نے اعلان کیا یقیناً ہمیں اس حقیقت سے تشویش ہے کہ نیٹو کے ممالک مجموعی طور پر زیادہ تر شمال کو ممکنہ تنازعات کے لیے ایک پل کے طور پر دیکھ رہے ہیں ان سرد حالات میں فوجیوں کے استعمال کی مشق کر رہے ہیں، بشمول فن لینڈ اور سویڈن سے ان کے نئے بھرتی کیے گئے دستوں سے ریجن میں فوجی مشقیں جاری ہیں.
روسی صدر نے وضاحت کرتے ہوئے کہا کہ ماسکو خطے کی صورت حال کی “قریب سے نگرانی” کر رہا ہے، اور مسلح افواج کی جنگی صلاحیتوں میں اضافہ اور فوجی بنیادی ڈھانچے کی تنصیبات کو جدید بنا کر مناسب جوابی نقطہ نظر اپنایا ہے۔