امریکہ کا یمن میں ممنوع ٹاماہاک میزائل کا استعمال
ماسکو : انٹرنیشنل ڈیسک
یمن کے مائن سوئيپنگ کے مرکز نے اعلان کیا ہے کہ امریکہ نے صوبہ صعدہ پر ایسے بم برسائے ہیں جن کے خوفناک اثرات مدتوں تک یمن کے عام شہریوں پر رہیں گے۔ یمن کے صوبہ صعدہ پر جارحیت میں امریکہ نے ٹاماہاک بی جی ایم 109 نوعیت کا میزائل استعمال کیا جس کے نتیجے میں بھاری تباہی اور انسانی جانوں کے ضیاع کے علاوہ، زہریلا مادہ بھی علاقے میں پھیل گیا ہے۔ امریکہ نے ان حملوں میں کلسٹر بموں کا بھی استعمال کیا ہے۔ امریکی فوج کے اس نوعیت کے بم اس سے قبل یمن کے پانچ دیگر صوبوں میں بھی مارے گئے تھے۔ جنیوا کنوینشن کے مطابق مذکورہ نوعیت کے بموں کا استعمال تمام انسانی اور اخلاقی اصولوں کے منافی ہے۔ امریکہ کی جانب سے ان ہتھیاروں کے استعمال سے یمن میں انسانی تباہی ہو رہی ہے جس پر اقوام متحدہ سمیت عالمی ادارے خاموش ہیں.