صدر پوتن کی جانب سے روسی مسلمانوں کو عید الفطر کی مبارکباد
ماسکو (صداۓ روس)
روسی صدر ولادیمیر پوتن نے رمضان المبارک کے مقدس مہینے کے اختتام پر روسی مسلمانوں کو عید الفطر کی مبارکباد دی۔ اپنے جاری کردہ بین میں انہوں نے کہا کہ یہ ایک قدیم تہوار ہے اور ہر مسلمان کے لیے اہم ہے جو رمضان کے مقدس مہینے کے اختتام پر آتا ہے. ماہ رمضان انسانی نظریات، تقویٰ اور صلہ رحمی کی علامت ہے، اور مومنوں کو اسلام کے ماخذ اور اعلیٰ اخلاقی رہنما اصولوں کی طرف متوجہ کرتا ہے. انہوں نے مزید کہا کہ یہ موقع آپس میں درگزر کو فروغ دینے، اپنی برادری اور اس سے باہر تعلقات مضبوط بنانے کا ہے۔ روسی صدر نے کہا کہ روحانی اقدار پر بھروسہ کرتے ہوئے روسی مسلمان معاشرے میں بین النسلی امن اور ہم آہنگی کو مضبوط بنانے، ثقافتی تنوع کے تحفظ اور ہمارے ملک کے ترجیحی مفادات کے تحفظ کے لیے قابل قدر شراکت کرتے ہیں۔
صدر پوتن نے روس کی عوامی اور روحانی زندگی میں مسلم تنظیموں کے اہم شراکت اور خیراتی، تعلیمی اور حب الوطنی کے منصوبوں اور اقدامات میں ان کے کردار کو نوٹ کیا۔ روسی وزیراعظم میخائل میشوسٹن نے بھی مسلمانوں کو عید کے تہوار کے موقع پر مبارکباد دی۔