ماخاچکالا میں “ویژن 3000” بین الاقوامی ڈسکشن کلب کا اجلاس منعقد

ماخاچکالا میں “ویژن 3000” بین الاقوامی ڈسکشن کلب کا اجلاس منعقد

ماسکو (صداۓ روس)
داغستان اسٹیٹ یونیورسٹی کے کانفرنس ہال میں “ویژن 3000” بین الاقوامی مباحثہ کلب کا اجلاس منعقد ہوا۔اجلاس میں داغستان جمہوریہ کے وزیر برائے قومی پالیسی اور مذہبی امور اینریک مسلموف اور ان کے پہلے نائب آرسین محمودوف، بین الاقوامی مباحثہ کلب کے ماہر کامیل لاندا، ماخاچکالا شہر کے امام کونسل کے صدر دانیال اومائیلوف، غیر سرکاری تنظیموں کے نمائندے، تعلیمی شعبے سے وابستہ افراد، داغستان اسٹیٹ یونیورسٹی کے طلبہ اور میڈیا کے افراد نے شرکت کی۔

اجلاس کا مرکزی موضوع “روس میں روحانی اور اخلاقی اقدار کے استحکام اور قومی سلامتی کی ضمانت” تھا۔

اجلاس کے افتتاحی کلمات میں کامیل لاندا نے حاضرین کو کلب کے مقاصد اور اس کے دائرہ کار کے بارے میں آگاہ کیا۔ انہوں نے وضاحت کی کہ یہ اجلاس 9 نومبر 2022 کے روسی صدارتی حکم نامہ نمبر 809 کے تحت منعقد ہو رہا ہے، جس کا مقصد روایتی روسی روحانی اور اخلاقی اقدار کا تحفظ اور استحکام ہے۔وزیر اینریک مسلموف نے اپنی تقریر میں کہا کہ داغستان کے صدر سرگئی میلیکوف کی ہدایت پر “ویژن 3000” کلب کا انعقاد کیا جا رہا ہے، جو قومی پالیسی کے نفاذ کا ایک اہم حصہ ہے۔

اجلاس میں مختلف ماہرین نے تحقیقی اور فکری موضوعات پر گفتگو کی، جن میں شامل تھے:

مختار یحییف (ماہنامہ “اسلامیات” کے چیف ایڈیٹر) – “روسی قومی وحدت میں شہری قوم کی تشکیل”

خانجان قربانوف (دہشت گردی مخالف کمیشن کے مشاورتی کونسل کے رکن) – “داغستانی معاشرے کی موجودہ حالت اور بنیادی اصلاحات کی ضرورت”

نظامی اسکریوف (داغستان اسٹیٹ یونیورسٹی کے ماہر معاشیات) – “اقتصادیات میں روایتی اقدار کی اہمیت”

حاجی مالوچیوف (سماجی اور تعلیمی تحقیقاتی لیب کے سربراہ) – “داغستان کے طلبہ کے اخلاقی رجحانات”

محمد سلیمانوف (معروف فلم ڈائریکٹر اور ثقافتی شخصیت) – “قومی ہیروز کی یاد اور قوم کی بقا”

یہ اجلاس داغستان ریجنل برانچ آف رشیئن ایسوسی ایشن آف پولیٹیکل سائنس اور داغستان کی وزارت برائے قومی پالیسی و مذہبی امور کے تعاون سے منعقد کیا گیا۔