سٹی ٹریفک پولیس کی خاتون افسر عالمی سطح ایوارڈ 2025 کے لیےمنتخب
اسلام آباد ( ذاکر آفریدی)
پنجاب پولیس کی خاتون آفسر نے پاکستان کا نام عالمی سطح پر روشن کر دیا۔ ترجمان پنجاب پولیس کے مطابق انٹرنیشنل ایسوسی ایشن آف ویمن پولیس (آئی اے ڈبلیو پی) نے ایس پی عائشہ بٹ کو ایکسی لینس اِن پرفارمنس ایوارڈ 2025 کے لیےمنتخب کرلیا۔ ترجمان کے مطابق ستمبر میں گلاسگو اسکاٹ لینڈ میں ہونےوالی 62 ویں سالانہ کانفرنس میں ایوارڈ سے نوازا جائے گا، عائشہ بٹ ان دنوں سٹی ٹریفک افسر گوجرانوالہ کی حیثیت سے خدمات انجام دے رہی ہے ۔
ایکس کی ایک حالیہ پوسٹ کے مطابق، پنجاب کے انسپکٹر جنرل آف پولیس ڈاکٹر عثمان انور نے بٹ کو “عالمی سطح پر پاکستان کا نام روشن کرنے” پر مبارکباد دی۔ خیال رہے یہ ایوارڈ ہر سال دنیا بھر کی ایک خاتون پولیس افسر کو ان کی معاشرے کے لیے ان کی غیر معمولی خدمات کے اعتراف میں دیا جاتا ہے۔ پنجاب پولیس نے، ایکس پر ایک حالیہ پوسٹ میں عائشہ بٹ کی کامیابی کو تمام پولیس افسران بالخصوص خواتین افسران کے لیے باعثِ فخر تسلیم کیا۔