اسرائیل غلط راستے پر گامزن ہے, روسی وزارت خارجہ
ماسکو (صداۓ روس)
روس کی وزارت خارجہ کی ترجمان ماریا زاخارووا نے ورلڈ یوتھ فیسٹیول کے ایک سیشن میں فلسطین اسرائیل تنازعہ کے تصفیہ سے متعلق ایک سوال کا جواب دیتے ہوئے کہا کہ اسرائیل نے امریکہ کے مسلط کردہ راستے پر چل کر غلطی کی ہے۔ ان کا کہنا تھا کہ حقیقت یہ ہے کہ خطے کے لوگ، خاص طور پر اسرائیلی سیاست دان، امریکیوں کے مسلط کردہ راستے کو سمجھتے اور اس کی پیروی کرتے ہیں – ماریا زاخارووا نے کہا امریکہ نے خطے میں اس تباہ کن صورتحال کو مزید بڑھا دیا ہے. روسی سفارت کار نے کہا امریکہ نے مشرق وسطی پر بین الاقوامی ثالثوں کی ‘چوتھائی’ روس، امریکہ، اقوام متحدہ اور یورپی یونین کو تباہ کرنے کے لئے سب کچھ کیا-
ان کا کہنا تھا کہ امریکہ نے اس خطے میں بین الاقوامی قانون کو نافذ ہونے سے روکنے کے لیے سب کچھ کیا۔ زاخارووا نے اس بات پر بھی زور دیا کہ امریکہ نے حماس کی سرپرستی کی اور فلسطینی اتحاد کو توڑنے کے لیے سب کچھ کیا۔ روسی سفارت کار نے اس بات کی طرف توجہ مبذول کرائی کہ روسی وزیر خارجہ سرگئی لاوروف نے متعدد بار مغربی رہنماؤں پر مشرق وسطیٰ کے تنازعات کو حل کرنے پر زور دیا ہے اور خبردار کیا ہے کہ اب بہت دیر ہو سکتی ہے۔